POP 5

Lajmet më të lexuara të 5 minutave të fundit

Sport

Shqiptari që mban Flakën Olimpike në Paris! Njihuni me Adrian Sukën, ish-futbollistin e Kombëtares kuqezi

Këtë të premte, kur jemi një javë larg nga nisja e Lojërave Olimpike, shqiptari Adrian Suka është një nga të përzgjedhurit (mes mijëra aplikantëve) që do mbajë flakën e ndezur në Olimp.

Shqiptari që mban Flakën Olimpike në Paris! Njihuni me Adrian Sukën, ish-futbollistin e Kombëtares kuqezi

Adrian Suka

Për herë të parë një shqiptar do mbajë për 200 metra Flakën Olimpike në Paris. Këtë të premte, kur jemi një javë larg nga nisja e Lojërave Olimpike, shqiptari Adrian Suka është një nga të përzgjedhurit (mes mijëra aplikantëve) që do mbajë flakën e ndezur në Olimp.

Suka është një ish-futbollist i Dinamos dhe i kombëtares së Shqipërisë në fund të viteve ’80 dhe më pas i ekipit të Laval-it dhe ish-trajner i Entente Sannois St-Gratien në Francë, i cili është përzgjedhur ndër mbajtësit e Flakës së Lojërave Olimpike dhe Paraolimpike Paris 2024.

Sot drejtor për Sportin dhe Rininë në qytetin e Saint-Gratien dhe trajner i Val d’Oise, Adriani është gjithashtu i angazhuar prej shumë vitesh në mbështetje të fëmijëve me sëmundje të rënda.

Ish-futbollisti shqiptar do të mbajë Flakën Olimpike gjatë kalimit së saj në Val-d'Oise më 19 korrik. Kujtojmë se Lojërat Olimpike të Parisit zhvillohen nga 26 korriku deri më 11 gusht 2024.

Përfaqësimi i Shqipërisë në Paris 2024

Shqipëria do të përfaqësohet me 8 sportistë në Lojërat Olimpike. Katër janë sportistë të kualifikuar, atletja Luiza Gega që do të garojë në 3000 m me pengesa, mundësit e stilit të lirë Zelimkhan Abakarov (pesha 57 kg), Islam Dudaev (pesha deri në 65 kg) dhe Chermen Valiev (pesha 74 kg).

Ndërkohë që 4 sportistë të tjerë e kanë siguruar pjesëmarrjen me ftesa. Ato janë Franko Burraj në atletikë 100 m, Manjola Konini në qitje, në disiplinat 25 m pistol dhe 10 m air pistol, si edhe notarët Kaltra Meça 200 m stil i lirë dhe Grisi Konxhaku 100 m stil i lirë.

Adrian Suka

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Durrsak lale: 19/07/2024 13:19

    Ka qene futbollist I lokomotives se Durresit

    Përgjigju
  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Nxitimi mund t'ju çojë në gabime... çfarë kanë rezervuar yjet për sot

Nxitimi mund t'ju çojë në gabime... çfarë kanë rezervuar yjet për sot

30 Janar, 07:14