'Më përdhunoi vajzën 9-vjeçe', shqiptari vret kunatin në Greqi, vetëdorëzohet në polici: Vrava njeriun që më helmoi fëmijën

Fotoja e Jordhan Pelivani, një djali shqiptar që jeton e punon në Greqi, është shpërndarë nga shtypi grek duke pretenduar se është Erion Pelivani 33-vjeçari i vrarë në Volos të Greqisë nga kunati i tij pasi ky i fundit e akuzonte se i ka përdhunuar vajzën që kur ajo ishte 9 vjeçe.

Pas shtypit grek dhe ai shqiptar ka marrë foton e Jordhan Pelvanit një inxhinier i suksesshëm shqiptar në Greqi dhe e kanë ngatërruar me foton e Erion Pelivanit për shkak të mbiemrit të ngjashëm.

Kanë qenë familjarët e Jordhan Pelivanit që u kanë bërë thirrje mediave që ta heqin foton e tij, pasi po denigrohet pa shkak.

Ky është Jordhan Pelivani, eshte nje inxhinier i sukseshëm, qytetar model dhe nuk ka lidhje me ngjarjen.

Ky është Erion Pelivani i dyshuar si përdhunues dhe i vrarë nga babai i vajzës

50-vjeçari shqiptar ka shpjeguar në polici arsyet që e çuan të vriste kunatin e tij 33-vjeçar pasi dyshohet se i përdhunoi vajzën që në moshën 9-vjeçare.

‘Më helmoi fëmijën, bëra atë që duhej, jam baba’, tha ai në polici, duke shtuar se e kuptoi se diçka që  nuk shkonte kur vajza e tij filloi t'i kërkonte shpesh para.

‘Herën e fundit që vajza ime studionte, më kërkonte t'i dërgoja para. E dija se diçka nuk shkonte kur pronari i banesës ku jeton më telefonoi duke thënë se i kishte borxh qiranë, ndërsa unë dhe nëna ime po i dërgonim para të rregullta. Kur fola me fëmijën për të parë se çfarë po ndodhte, ajo filloi të qante dhe të më tregonte gjithçka që kishte përjetuar me 33-vjeçarin që e përdhunonte dhe videot që ai kishte duke e shantazhuar dhe duke i marrë paratë”. 

Bashkëshortja e autorit dhe motra e viktimës në Greqi, ka folur në lidhje me vrasjen e vëllait të saj nga 50-vjeçari shqiptar, pasi e bija i kishte rrëfyer se ai e kishte përdhunuar në moshën 9-vjeçare.

Ajo ka treguar se rasti doli në dritë tre ditë më parë, pasi deri atëherë 18-vjeçarja nuk kishte përmendur asgjë për përdhunimet.

Nga ana tjetër, ajo shton se, as i vëllai nuk i kishte lënë të kuptonte se po e bënte një veprim të tillë, duke mos ngjallur asnjë lloj dyshimi.

“Këtë e kam mësuar 3-4 ditë më parë. Nuk dija gjë, ai po e mohonte. As vajza nuk më tha gjë. Më pas, i ati e mori vesh dhe e vrau. Më mori në telefon dhe më tha: “Të vrava vëllanë”, u shpreh e njerka e 18-vjeçares së abuzuar.

Një krim i rëndë ka ndodhur në Volos në Greqi, pasi një 50-vjeçar shqiptar ka vrarë me armë gjahu kunatin e tij 33-vjeç, po shqiptar.

Në polici ai tha se e ka ekzekutuar pasi i ka përdhunuar vajzën e tij kur ka qenë në moshën 9-vjeçe. Mediat greke raportojnë se 50-vjeçari kishte lënë një takim me 33-vjeçarin mbrëmjen e së martës në zonën ‘Asteria’ të Agria, me një pretekst të parëndësishëm. 

50-vjeçari, pasi ka marrë armën në banesë, i ka kërkuar 33-vjeçarit të takoheshin me preteksin se iu ishte prishur makina duke i ngritur kurth për ta vrarë. Më momentin që janë takuar fillimisht e ka goditur me tytën e armës në kokë dhe kur i riu ka tentuar t’i marrë pushkën e ka qëlluar për vdekje.

Sipas informacioneve, 33-vjeçar është gjetur me plagë në fytyrë dhe plagë me armë zjarri në gjoks.

Autoritetet policore kanë vazhduar me konfiskimin e armës së gjahut, ndërsa për viktimën është urdhëruar ekspertiza mjeko-ligjore.