Shqiptarja.com
në panairin e librit

Gjatë ditëve të fundit të panairit të librit në Tiranë, është ngritur edhe një stend për Shqiptarja.com, ku njerëzit arritën të mësojnë më tepër për gazetën më të re të dalë në tregun shqiptar, metodën moderne të punimit dhe idetë e reja për një model të ri gazetarie, që Shqipërisë i nevojitet shumë.

Numri i mediave shqiptare – i gazetave, i televizioneve dhe i radiove sot është i madh, shumë i madh, por është i vogël, shqetësueshëm i vogël numri i mediave të pavarura, vërtet të pavarura.

Stafi i Shqiptares, i pajisur me përvojë të madhe në gazetarinë dhe në publicistikën e sotme shqiptare, është premtimi se Shqiptarja.com do të jetë, vërtet, e tillë: gazetë e pavarur.