POP 5

Lajmet më të lexuara të 5 minutave të fundit

Shtatë të vdekur nga përplasja e një makine me emigrantë në Hungari

Shtatë persona humbën jetën dhe katër të tjerë mbeten të plagosur kur një makinë me targa serbe që transportonte emigrantë, u përplas në një shtëpi në Hungari të hënën vonë, pasi shoferi i saj refuzoi të ndalonte në një pikë kontrolli të policisë.

Shtatë të vdekur nga përplasja e një makine me emigrantë në Hungari

Pamje nga aksidenti

Shtatë persona humbën jetën dhe katër të tjerë mbeten të plagosur kur një makinë me targa serbe që transportonte emigrantë, u përplas në një shtëpi në Hungari të hënën vonë, pasi shoferi i saj refuzoi të ndalonte në një pikë kontrolli të policisë.

Shoferi pa se policia po kontrollonte makinat në fshatin Morahalom afër kufirit me Serbinë dhe u përpoq t'i shmangte duke u larguar me shpejtësi, tha policia të martën për agjencinë e lajmeve MTI.

Makina, në të cilën ndodheshin 10 emigrantë dhe ishte nisur drejt qytetit Szeged, më pas u përplas me një shtëpi dhe u përmbys.

Policia tha se shoferi i makinës, i cili gjithashtu mbeti i plagosur, u ndalua dhe ndaj tij do të nisë ndjekja për trafikim personash dhe shkaktim të një aksidenti masiv me pasoja të rënda.

Aksidenti ndodhi në afërsi të kufirit të Hungarisë, anëtare e Bashkimit Evropian, me Serbinë, e cila nuk është pjesë e bllokut. Qeveria e kryeministrit Viktor Orban ndërtoi një gardh me tela me gjemba në vitin 2015 në kulmin e krizës së emigrantëve, kur qindra mijëra kaluan atje në rrugë drejt Evropës Perëndimore.

Qëndrimi i ashpër i kryeministrit Orban kundër imigracionit, ndihmoi partinë e tij konservatore, Fidesz, të fitojë zgjedhjet sërish në vitin 2018. Sipas policisë, javën e kaluar 2,419 emigrantë u ndaluan në kufijtë e Hungarisë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të ketë një Paketë të dytë të Rezistencës Sociale?

Lajme të tjera



×

Lajmi i fundit

John

22-vjeçari humbi jetën nga moti i keq, Zhupa: Ishte i pari në fushatën e PD, iku deri sa numëroi votën e fundit! Do të mbaj mend gjithmonë të qeshur

4 Korrik, 23:00