Një raport vjetor i Shtëpisë së Bardhë ka zbuluar statistikat për numrin e ushtarëve, të cilët kanë marrë pjesë në aktivitetet ushtarake të SHBA-ve në Kosovë, në bashkëpunim me NATO-n.
Përafërsisht 591 trupa ushtarakë të Shteteve të Bashkuara janë në mesin e rreth 3,800 të KFOR-it, për të monitoruar situatën në veri të Kosovës.
Ky raport përshkroi në përgjithësi aktivitetet ushtarake të SHBA-ve në luftën kundër terrorizmit në mbarë botën dhe në mesin e tyre kanë bërë të dituar edhe statistikat për ushtarët pjesëmarrës në operacionet në Kosovë.
![](https://shqiptarja.com/template/img/NO_ALFA_Kuadrate shqiptarja.png)
“Shtetet e Bashkuara vazhdojnë të kontribuojnë me forca në Forcën e Kosovës (KFOR), të udhëhequr nga Organizata e Traktatit të Atlantikut të Veriut në bashkëpunim me autoritetet lokale, partnerët dypalësh dhe institucionet ndërkombëtare, për të penguar armiqësitë e ripërtërira në Kosovë. Përafërsisht 591 personel ushtarak të Shteteve të Bashkuara janë në mesin e rreth 3,800 personelit të KFOR-it”, thuhej në raportin e publikuar nga Shtëpia e Bardhë.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)