POP 5

Lajmet më të lexuara të 5 minutave të fundit

Ekonomi

Shtimi i emigrantëve po rrit fluksin e remitancave, BSH: Në vitin 2023 remitancat arritën në 929 mln euro, vlera më e lartë prej 2008-ës

Banka e Shqipërisë raporton se vjet janë regjistruar vlera rekord për remitancat, pasi emigrantët sollën në vend 929 milionë euro, vlera më e lartë që prej vitit 2008.

Shtimi i numrit të emigrantëve, përtej efektit negativ që mund të sjellë në shumë aspekte në vend, ku bizneset kërkojnë punonjës e profesionistë, nga ana tjetër po ndikon pozitivisht në shtimin e vlerës së remitancave.

Përgjatë vitit të kaluar dërgesat e emigrantëve kanë arritur vlera rekord, që prej vitit 2008 kur janë raportimet e para nga Banka e Shqipërisë mbi këtë fenomen.

Në total vjet emigrantët sollën në vend 929 milionë euro duke u rritur me 95 milionë euro në raport me vitin 2022.

Por nga ana tjetër vlera e remitancave mund të jetë më e lartë, pasi ka emigrantë që zgjedhin që paratë për familjarët e tyre ti sjellin cash dhe jo nëpërmjet kanaleve formale. Sidomos në periudhën e fundvitit, kur kthehen për të festuar në vend.

“Gjatë periudhës, është vërejtur rritje e dërgesave në formën e prurjeve në cash, atribut i ardhjes së emigrantëve gjatë periudhës së fundvitit”, thuhet në raportin e BSH.

Sipas Bankës Botërore remitancat janë jetike për mijëra familje, dhe ato vijnë kryesisht nga Greqia, Italia, Gjermania, Zvicra dhe ShBA. Gjatë periudhës së pandemisë, dhe më pas kur vendi u përfshi nga kriza e çmimeve, remitancat kanë kontribuar pozitivisht në përballimin e kostove të jetesës për familjarët e tyre.

Në 1 dekadë 2013-2023, emigrantët kanë sjellë në vend 7.5 miliardë euro për familjarët e tyre.

REMITANCAT NË NJË DEKADË

Viti 2013          545 mln euro

Viti 2014          592 mln euro

Viti 2015          598 mln euro

Viti 2016          615 mln euro

Viti 2017          636 mln euro

Viti 2018          670 mln euro

Viti 2019          702 mln euro

Viti 2020          673 mln euro

Viti 2021          761 mln euro

Viti 2022          834 mln euro

Viti 2023          929 mln euro

G.K//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Berisha me gratë demokrate të LDG: Kjo është qeveria e Luciferit, shqiptarët kanë marrë arratinë! Ministret e Ramës pa forcë morale

Berisha me gratë demokrate të LDG: Kjo është qeveria e Luciferit, shqiptarët kanë marrë arratinë! Ministret e Ramës pa forcë morale

25 Dhjetor, 19:13