Shtohen infektimet me COVID-19, 1027 raste të reja dhe 2 të vdekur në 24 orë

Gjatë 24 orëve të fundit në Shqipëri janë identifikuar 1207 infektime të reja me COVID-19, ndërsa dy persona kanë humbur jetën nga virusi.

Rastet e reja me COVID-19 janë identifikuar nga 2468 testime që janë kryer, nga ku kanë dalë edhe 1023 të shëruar. Që prej fillimit të pandemisë në vend kanë rezultuar 302,311 të shëruar nga COVID.

Aktualisht janë 7,721 qytetarë aktivë me COVID-19 në vend, 28 prej të cilëve po marrin trajtim në spital.

Nisur nga rritja e numrit të qytetarëve të prekur nga Covid19, Ministria e Shëndetësisë i bën sërish thirrje qytetarëve të mos neglizhojnë vaksinimin anticovid, posaçërisht në këtë periudhë të rritjes së kontakteve, për shkak të lëvizjeve përgjatë sezonit veror.

Çdo person mbi 12 vjeç, mund të vaksinohet në qendrat shëndetësore në të gjithë vendin. Gjithashtu MSHMS apelon të gjithë qytetarët e vaksinuar, që të drejtohen në qendrat shëndetësore, për t’u vaksinuar me dozën përforcuese.

Statistika (2 gusht 2022)

Raste të reja ditore    1207

Të shëruar në 24 orë     1023

Të shtruar në spitale   28

Humbje jete në 24 orë   2

Testime ditore     2468

Testime totale    1,921,290

Raste pozitive    313,582

Raste të shëruara    302,311

Raste Aktive      7,721

Humbje jete     3,550

Shpërndarja gjeografike e rasteve aktive sipas qarqeve:

Tiranë     3,999

Fier        664

Durrës  608

Vlorë     525

Elbasan  337

Korçë    316

Shkodër  310

Berat     249

Gjirokastër   279

Lezhë   245

Dibër    125

Kukës    64

D.GJ/Shqiptarja.com

TAG:
• COVID-19