POP 5

Lajmet më të lexuara të 5 minutave të fundit

Sport

Shtohen zyrtarët e qeverisë kundër rinisjes së Seria A: Për momentin duket e pamundur që të luhet futboll

Seria A mund të ndjekë linjën e Ligue 1, kampionatit francez që u ndërpre për shkak të koronavirusit.

Shtohen zyrtarët e qeverisë kundër rinisjes së Seria A: Për momentin duket e pamundur që të luhet futboll

Seria A rrezikon seriozisht të mbyllë sezonin ashtu si Ligue 1 në Francë. Optimizmi i orëve të fundit është zbehur shumë pasi dy zyrtarë të qeverisë italiane kanë deklaruar se klubet duhet të fillojnë të mendojnë për sezonin tjetër.

Së fundmi zëvendës ministri italian i Shëndetësisë, Pierpaolo Sileri, është shprehur: “Për momentin duket e pamundur që mund të rifillohet të luhet futboll. Kjo për shkak të dinamikës që ka një futbollist. Rifillimi i aktivitetit më duket shumë i largët, pasi futbolli nuk është si tenisi apo Formula 1. Në këtë sport ka kontakte fizike, çka ndihmon në përhapjen e koronavirusit dhe rrezikun e shëndetit të sportistëve.”

Që mbyllja përfundimtare e sezonit po merr më shumë pikë e konfirmoi edhe më herët ministri italian i Sportit Spadafora që konkretisht deklaroi: “Nëse një vendim si ai që morri Franca për sportin do të merrej edhe nga shtete të tjera në Europë edhe ne do ta ndjekim atë linjë. Më mirë do të ishte që presidentët e klubeve të mendonin për sezonin që vjen.”

Gjithsesi pavarësisht këtyre deklaratave federata italiane e futbollit, Liga e Seria A dhe komiteti olimpik kombëtar, po punojnë për një protokoll shëndeti që të bindin qeverinë për rinisjen e sezonit.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Mos harroni çadrat! Reshje shiu dhe temperatura deri në 14 gradë

Mos harroni çadrat! Reshje shiu dhe temperatura deri në 14 gradë

28 Nëntor, 07:23