Nga e hëna shtrëngohen masat në Kakavijë! Do lejohet të kalojnë 400 persona (jo 750)! Zgjatet karantina, test COVID-i edhe për shoferët e kamionëve

TIRANË- Greqia do të komunikojë masat e reja anti-COVID ditën e hënë, nga ku është parashikuar që të shtrëngohen kufizimet. Ministria e Europës dhe Punëve të Jashtme njofton se prej 1 marsit deri në 15 mars, është vendosur që në pikën e kalimit kufitar të Kakavijës të kufizohet numri i qytetarëve që do të kalojnë çdo ditë.

Nga 750 që është numri i lejuar deri më tani do të shkojë në 400 në ditë. Po ashtu edhe ditët e karantinimit për personat që do të rezultojnë pozitivë do të zgjatet nga 7 në 14 ditë.

Mësohet gjithashtu se orari i lëvizjes do të reduktohet duke lejuar qarkullimin 12 orë në ditë prej orës 07:00 deri në orën 19:00. Për të gjithë personat që do të hyjnë në Greqi, përjashtuar shtetasit shqiptarë, testi i shpejtë COVID do të ndërmerret edhe tek shoferët e kamionëve të cilët kanë qenë të përjashtuar deri më sot.  

MEPJ rikujton se Pikat e Kalimit në Kosovë, Maqedoni dhe Malin e Zi vijojnë të jenë të hapura dhe shtetasit shqiptarë mund të udhëtojnë drejt këtyre vendeve, pa pasur nevojë për PCR test negativë dhe pa iu nënshtruar masave të izolimit.

Rendit zhvillimet sipas orarit:
Ora 11:59
Kalimi në pikat kufitare, MEPJ: Shtohen kufizimet në hyrjen e territorit grek! Në Kosovë, Maqedoni e Veriut dhe në Malin e Zi udhëtohet pa test Anti-Covid

1597304117_mepj.jpg

Ministria për Evropën dhe Punët e Jashtme ka dhënë një njoftim zyrtar në lidhje me shtrëngimin e masave që Greqia ka bërë për parandalimin e përhapjes së COVID.

Ministria njofton se në Pikën e Kalimit në Kakavijë duke filluar nga data 1 mars e deri më 15 mars pika kufitare do të jetë e hapur hapur nga ora 07:00 deri në orën 19:00, në vend të orës 23:00 që ishte deri tani.

Po ashtu do të kufizohet më tej numri i personave që futet çdo ditë. Nga 750 persona, do të lejohen vetëm 400.

Sipas MEPJ-së ata që do të futen në Greqi do t'i nënshtrohen një testi të shpejtë, nga i cili nuk do të përjashtohen edhe shoferët e kamionëve apo mauneve.

Sipas njoftimit zyrtar MEPJ-s, të gjithë ata që do të testohen pozitiv, nuk do të lejohen të hyjnë në Greqi, ndërkohë që ata që hyjnë, do t'i nënshtrohen një karantine të detyrueshme 14 ditore, nga 7 ditë që ishte deri më tani.

MEPJ rikujton se Pikat e Kalimit në Kosovë, Maqedoni dhe Malin e Zi vijojnë të jenë të hapura dhe shtetasit shqiptarë mund të udhëtojnë drejt këtyre vendeve, pa pasur nevojë për PCR test negativë dhe pa iu nënshtruar masave të izolimit.


 

B.K./b.ha./Shqiptarja.com
  • Sondazhi i ditës:

    A është i pranueshëm për ju përdorimi i të dhënave personale nga një parti politike?

Komento

Komente

  • Aqif Kasemi: 27/02/2021 15:24

    Duhet te mbyllet per momentin transporti public

    Përgjigju


×

Lajmi i fundit

John

Incidenti me banderolat e LSI në Fier, Meta: Kryerilindasi është një provokator i ndyrë,  kërkon të prish zgjedhjet