POP 5

Lajmet më të lexuara të 5 minutave të fundit

Sociale

Shtrenjtohen drutë e zjarrit në Korçë, pensionistët: Kemi lënë mangët gjëra të tjera për të siguruar drutë

Këtë vit çmimi i druve të zjarrit ka pësuar rritje. Qytetarët e Korçës thonë se nga 4500 lekë që e blinin një metër kub vitin e kaluar, tanimë çmimi pothuaj është dyfishuar. Më të vështirë e kanë pensionistët, të cilët thonë se do të gjejnë metoda alternative për ngrohje.

Çmimi i druve të zjarrit këtë vit ka pësuar rritje në krahasim me vitet e shkuara. Pavarësisht kostos së lartë ku një metër kub tregtohet me rreth 7500 lekë, qytete të ftohta si Korça ku temperaturat në dimër janë ekstremisht të ulëta, blerjen e druve e kanë domosdoshmëri.

Vështirësitë më të mëdha për të siguruar dru për ngrohje, i kanë pensionistët.

“Lashë dy pensione, mezi i mora. 7000 lekë i kam marrë. Çmimet janë të lartë, çfarë të bëjmë? Lamë një gjë tjetër mangute morëm drutë se këtu pa dru nuk rri dot”, u shpreh një pensionist.

Të tjerë, thonë se do të gjejnë metoda alternative për t’u ngrohur.

“Do të ngrohemi me ato që kemi”, tha një qytetare.

Përpos rritjes së çmimit, korçarët po përballen edhe me mungesën në treg të lëndës drusore. Nga një vëzhgim i Report Tv rezulton se ndryshe nga vitet e kaluara, fushat e druve këtë vit nuk punojnë me kapacitet të plotë. Shkak i kësaj mungese mësohet se është jo vetëm ulja e importit të lëndës drusore nga vendet e tjera por edhe zbatimi i moratoriumit të pyjeve.

D.GJ/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 07/09/2022 02:25

    Korcaret te mesohen te perdorin soba me gaz,ose me peleta se i shfarosen pyjet.

    Përgjigju
  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Kuvendi do miratojë Buxhetin 2025/ Nga sot dy ditë seancë maratonë, PD ka paralajmëruar protestë nesër kur pritet të jetë votimi

Kuvendi do miratojë Buxhetin 2025/ Nga sot dy ditë seancë maratonë, PD ka paralajmëruar protestë nesër kur pritet të jetë votimi

18 Nëntor, 07:19 nga Esiona Konomi