POP 5

Lajmet më të lexuara të 5 minutave të fundit

Sport

Shtyhet inaugurimi, Barcelona rikthehet me vonesë në 'Camp Nou-n' e ri

Mitiku i katalanasve po i nënshtrohet një ndryshimi me themele dhe pritet të ketë një tjetër pamje, duke rivalizuar me Real Madridin për "Santiago Bernabeun" tanimë të rinovuar.

Shtyhet inaugurimi, Barcelona rikthehet me vonesë në 'Camp Nou-n' e ri

Pamje nga punimet në 'Camp Nou'

Fundi i shkurtit 2025, ky është afati i ri që drejtuesit kanë vendosur për t'u rikthyer në stadiumin e ri "Camp Nou". Mitiku i katalanasve po i nënshtrohet një ndryshimi me themele dhe pritet të ketë një tjetër pamje, duke rivalizuar me Real Madridin për "Santiago Bernabeun" tanimë të rinovuar.

Skuadra e Hansi Flick do të mund të luajë përsëri në stadiumin e tyre duke filluar nga shkurti i vitit të ardhshëm. Sipas “El Pais”, katalanasit i kanë treguar UEFA-s se do të qëndrojnë në “Montjuic” deri në mes të shkurtit, përpara se të transferohen në impiantin e tyre historik, të rinovuar nga puna e nisur një vit e gjysmë më parë.

Gazeta spanjolle kujton se rregulloret e UEFA-s ndalojnë "ndërrimin e stadiumeve gjatë fazës fillestare të Champions League" dhe për këtë arsye, pas Brestit të martën e ardhshme, Barcelona do të duhet gjithashtu të presë Atalantën në stadiumin Olimpik më 29 janar. Megjithatë, kushtëzimi është i detyrueshëm duke qenë se punimet, sipas burimeve të ndryshme, po pësojnë disa vonesa dhe mund të zgjasin pak më shumë.

Nëse më parë ishte dhënë afati i mesit të dhjetorit 2024 për rikthimin në stadiumin e ri, tanimë gjithçka shtyhet me dy muaj.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 20 Janar, 09:13

    Betohet Trump, a do të ndryshojë politika e SHBA-ve ndaj Shqipërisë?

Lajme të tjera



×

Lajmi i fundit

SHBA: Dita e parë e Trump në detyrë me 'rekord vendimesh'

SHBA: Dita e parë e Trump në detyrë me 'rekord vendimesh'

20 Janar, 10:49