POP 5

Lajmet më të lexuara të 5 minutave të fundit

Kronikë

Shtyhet në datë 12 shtator seanca paraprake e 'Sterilizimit', shkak mungesa e një avokati! Beqaj në GJKKO: Aktet të pavërteta

Aktet që e përfshijnë në dosjen e ‘Sterilizimit’ janë të pavërteta deklaroi ish-ministri i shëndetësisë Ilir Beqaj i pranishëm për herë të parë në gjyq. Ai kërkoi të sqaronte aktet por mungesa e një avokati shtyu seancën për në 12 shtator. Beqaj ndodhet në qeli për hetimin lidhur me abuzimet me fondet e SASPAC

Ish-ministri i Shëndetësisë Ilir Beqaj për herë të parë ishte në sallën e gjyqit për dosjen e sterilizimit. I ndodhur në qeli për hetimet që po kryehen për fondet e SASPAC, Ilir Beqaja tha se aktet e sjella për gjykim në çështjen e sterilizimit përmbajnë të pavërteta. Ish- ministri kërkoi të bënte një deklaratë për aktet procedurale që lidhen me hetimin tjetër, por gjykata e ndërpreu, pasi në këtë seancë nuk mund të kryhej me veprim për shkak të mungesës së mbrojtjes për një nga të pandehurit. Kjo mungesë e pajustifikuar e një avokati, u bë shkak i pezullimit të afteve të paraburgimit për të gjithë të pandehurit dhe kjo është hera e katërët që seanca për çështjen ‘Sterilizimi’ shtyhet në 12 shtator.

Ish-ministri i Shëndetësisë Ilir Beqaj është nën hetim nga SPAK prej një viti, si i dyshuar për shpërdorim detyre lidhur me 2 tendera të firmosura, për sterilizimin dhe check-up. Deri tani, për koncesionin 100 milionë euro në burg janë lënë ish-zv.ministri Klodian Rjepaj dhe biznesmeni Ilir Rrapaj.

Dy ditë më parë agjentët e BKH-së zbarkuan në Vlorë duke shpërthyer derën e apartamentit 160 metër katro të Beqaj në Lungomare për të kryer kontroll. Avokati i Beqajt, pretendon se apartament nuk është pronë e ish-ministrit, por burimet bëjnë me dije se nga kontrollet e mëparshme në sendet e Beqajt janë gjetur foto të apartamentit me të njëjtin arredim si ai që iu ushtrua kontrolli. Në shtëpinë në Vlorë nuk u gjetën sende të dyshimta përveç disa shisheve me verë.

Të pandehurit
1-Ilir Beqaj, “Shpërdorimi detyre”, (detyrim paraqitjeje)
2-Klodian Rjepaj, i akuzuar për “Mashtrim”, “Falsifikim të dokumentave”, “Shpërdorim detyre” (arrest me burg)
3-Ilir Rrapaj, i akuzuar për “Mashtrim” (arrest me burg)
4-Marsela Serjani, e akuzuar për “Falsifikim të dokumentave”, dhe “Shpërdorim detyre”, (detyrim paraqitjeje)
5-Saimir Kadiu, i akuzuar për “Falsifikim të dokumentave”, dhe “Shpërdorim detyre”, (detyrim paraqitjeje)
6-Petref Mersini, i akuzuar për “Falsifikim të dokumentave”, dhe “Shpërdorim detyre”, (detyrim paraqitjeje)
7- Arben Gjata, i akuzuar për “Falsifikim të dokumentave”, dhe “Shpërdorim detyre”, (detyrim paraqitjeje)
8-Genc Burazeri, i akuzuar për “Falsifikim të dokumentave”, dhe “Shpërdorim detyre”, (detyrim paraqitjeje) 
9- Naile Ajazi, e akuzuar për “Falsifikim të dokumentave”, dhe “Shpërdorim detyre”, (detyrim paraqitjeje)

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

SHBA, avioni me 64 pasagjerë në bord përplaset me një helikopter ushtarak në Uashington, ka viktima

SHBA, avioni me 64 pasagjerë në bord përplaset me një helikopter ushtarak në Uashington, ka viktima

30 Janar, 07:16