Shtyhet sërish seanca për Saimir Tahirin, ish ministri kërkon lirinë pas njohjes së kohës së paraburgimit! U zëvendësua gjyqtari

Shtyhet sërish seanca për Saimir Tahirin, ish ministri kërkon lirinë pas njohjes së kohës së paraburgimit! U zëvendësua gjyqtari

Saimir Tahiri

Në gjykatën e Elbasanit është shtyrë sërish seanca për kërkesën për liri të ish ministrit të Brendshëm Saimir Tahiri, i cili kërkon llogaritje të kohës së paraburgimit. Tahiri i cili po vuan dënimin e formës së prerë, pasi është dënuar për shpërdorim detyre. Tahiri dërgoi 2 muaj më parë një kërkesë Gjykatës së Elbasanit për njohjen e kohës së paraburgimit.

Korrespondenti i Report Tv Ronaldo Gjoshi raporton se seanca sot është shtyrë pasi është zëvendësuar gjyqtari Elis Dine me Elton Frashëri pasi ishte kërkuar përjashtimi i gjyqtarit Dine. Gjyqtari i ri kërkon kohën për tu njohur me përmbajtjen e dosjes. 

Më 4 shkurt të këtij viti, Apeli i Gjykatës Kundër Krimit të Organizuar dhe Korrupsionit pas një seance maratonë, dënoi Tahirin me 5 vite burg për ‘Shpërdorim të detyrës’. Por me gjykim të shkurtuar dënimi u ul në 3 vite e 4 muaj burgim. Tahiri u dënua vetëm për "Shpërdorim detyre" duke i ‘shpëtuar’ akuzave “Korrupsion të zyrtarëve të lartë”, “Trafik të lëndëve narkotike kryer në bashkëpunim” dhe “Grup të strukturuar kriminal".

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të lejohet mjeku të punojë njëkohësisht në spital publik e privat?



×

Lajmi i fundit

Shqipëria e Kosova në zi! Sot homazhet për Ismail Kadarenë, kolosi i letërsisë shqipe do nderohet me ceremoni shtetërore

Shqipëria e Kosova në zi! Sot homazhet për Ismail Kadarenë, kolosi i letërsisë shqipe do nderohet me ceremoni shtetërore