POP 5

Lajmet më të lexuara të 5 minutave të fundit

Politikë

Këshilli i Legjislacionit miraton raportin për shtyrjen e afateve të vettingut vetëm me votat e PS-së! LSI voton kundër, deputetët e PD bojkotuan votimin 

Raporti për shtyrjen e afateve të institucioneve të vettingut është miratuar në mbledhjen përbashkët të komisionit të ligjeve dhe Këshillit të Legjislacionit. Ndryshe nga votimi unanim i Reformës në Drejtësi në 2016, shtyrja e fatit u miratua vetëm me votat e PS, LSi votoi kundër ndërsa deputetët e PD bojkotuan

Vetëm me votat e maxhorancës komisioni i Ligjeve dhe Këshilli i Legjislacionit miratuan raportin për shtyrjen e afateve të institucioneve të Vettingut deri në 31 dhjetor të 2024. E vetmja që votoi kundër nismës së ndërmarrë nga përfaqësuesit e PS ishte deputetja e LSI-së Erisa Xhixho, ndërsa deputetët e tjerë të opozitës bojkotuan votimin. Xhixho tha se nuk ishin kundër zgjatjes së afateve të vettingut, por jo për zgjatje afati të personave që janë anatemuar në dhënien e drejtësisë me dy standarde.

“Vendimet e tyre janë apeluar në KPA. Nëse ne mbështesin institucionet e reja të drejtësisë, duhet të marrim përgjegjësinë edhe për individët që ushtrojnë këtë detyrë”.- tha deputetja e LSI-së Erisa Xhixho.

Ndërsa ish ministrja e drejtësisë, Etilda Gjonaj duke kërkuar miratimin e draftit me votë unanime, tha se kjo çështje nuk duhet të kthehet në politike, pasi është tërësisht teknike.  

“Standardet e vendosura nga kpk dhe kpa, garantojnë paanësinë ndaj atyre që do të jenë pjesë e procesit. Nuk mund t’i lejojmë vetes që të bëjmë një ndryshim apo të cënojmë parimin e pavarësisë publike. Reforma në drejtësi ndali në  kapjen e institucioneve të drejtësisë nga politika”.- tha Gjonaj.

Relatorja Klotilda Bushka tha gjatë diskutimeve se drafti është konsultuar me grupet e interesit dhe se nisma është në përputhje me Kushtetutën. Afatet e insticioneve të Vettingut, Komisionit të pavarur të Kualifikimit dhe Komisionit të Posaçësm të apelit, sipas ligjit në fuqi përfundojnë në 17 qershor të këtij viti. Raporti i Këshillit të Legjislacionit do t'i paraqitet seancës plenare për tu provuar për tu miratuar ndryshimet kushtetuese me 94 vota. 

M.Q./K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kamberi: Nëse protestat 'shuhen', Vuçiç do e çojë Serbinë në diktaturë

Kamberi: Nëse protestat 'shuhen', Vuçiç do e çojë Serbinë në diktaturë

25 Dhjetor, 20:46