‘Shuhet’ Michel Piccoli, ‘përbindëshi i shenjtë’ i kinemasë europiane, vendimtar në adaptimin francez të filmit 'Gjenerali i ushtrisë së vdekur'

‘Shuhet’ Michel Piccoli, ‘përbindëshi i shenjtë’ i kinemasë europiane, vendimtar në adaptimin francez të filmit 'Gjenerali i ushtrisë së vdekur'

Michel Piccoli vdiq në moshën 94 vjeç. Aktor, regjisor, skenarist dhe producent, ai ishte një nga më të mëdhenjtë e kinemasë franceze.

Ai ka qenë mik me shkrimtarin tonë të madh Kadare, që në kohë të komunizmit kur ai luajti rol determinant në adaptimin francez të filmit “Gjenerali i ushtrisë së vdekur”.

Michel Piccoli punoi me regjisorët më të mëdhenj europianë dhe ishte ndër interpretët e preferuar të Luis Buñuel, me të cilin filloi të bashkëpunonte nga viti '56.

"Michel Piccoli vdiq në 12 maj në krahët e gruas së tij Ludivine dhe fëmijëve të tij Inord dhe Missia, pas një goditje në tru", - thuhet në një shënim nga familja dërguar në agjencinë France Presse nga Gilles Jacob, mik aktor dhe ish-president i Festivalit të Filmit në Kanë.

I lindur në Paris më 27 dhjetor 1925 në një familje muzikantësh, babai violinist dhe nëna pianiste, Zhak Daniel Michel Piccoli vendosi që herët se rruga e tij do të ishte aktrimi. Provimi i tij i parë i madh në ekran ishte rreth moshës 20 vjeçare me filmin Sortilèges nga Christian-Jaque (Kërcënimi i heshtur, 1945).

Atë kohë, akoma pak i njohur nga publiku i gjerë, ai ndoqi të mëdhenjtë e kinemasë franceze për të marrë fillimisht role të vogla. Në vitin 1967 me filmin Bella di Giorno (1967) me Catherine Deneuve, atij iu akordua çmimi Luani i Artë në Festivalin e Filmit në Venecia dhe në vitin 1972 sërish fitoi të njëjtin çmim me ‘The Charmel Discreet of Bourgeoisie’.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet