POP 5

Lajmet më të lexuara të 5 minutave të fundit

Kultura

Shuhet Montserrat Caballé, diva e fundit të operës lirike

Diva e operës lirike Montserrat Caballe është shuar në moshën 85-vjeçare. Caballe ka interpretuar me shumë këngëtarë të tjerë të famshëm ndër të cilët Pavaroti, Plaçido Domingo dhe Carreras.
Shuhet Montserrat Caballé, diva e fundit të operës lirike

Montserrat Caballé

Ikonë pop, talent lirik, simbol i rilindjes së Barcelonës me olimpiadat e vitit 1992. Të gjitha këto dhe më shumë bënin një divë, si Montserrat Caballe, një nga zërat më të mëdhenj të viteve ‘900.

Sopranoja e famshme, sipas të përditshmes spanjolle “El Mundo”, është ndarë nga jeta gjatë agimit të ditës së sotme në spitalin Sant Pau të Barcelonës, ku ishte shtruar prej mesit të shtatorit.

Nuk e konsideroj veten si një legjendë të operës lirike, as si divën e fundit, siç ndonjëherë shkruajnë gazetarët. Çdo epokë ka yjet e saj, në rastin tim merita e vetme është që kam bërë mirë punën time, në mënyrën më të mirë të mundshme, në nivelin më të lartë.

Montserrat Caballe

María de Montserrat Bibiana Concepcion Caballé i Folch lindi në Barcelonë në 12 prill të vitit 1933 dhe ishte konsideruar një nga sopranot më të mëdha të shekullit XX, me një repertor të gjerë që shkonte nga belcanto i Moxart, Rosinit, Belinit e deri tek Verdi, Vagner e deri tek Verismo, gjithmonë e karakterizuar nga një teknikë e paarritshme me një kualitet interpretativ unik.

Ishte gjithashtu një interpretuese e shkëlqyer e këngëve popullore franceze, në vitin 1988 bëri një  inkursion në muzikën pop me mikun e saj Freddie Mercury, duke nxjerrë edhe albumin Barcelona që e bëri të famshme përpara publikut të gjerë dhe konsolidoi edhe më shumë besueshmërinë e talentit të këngëtares së Queen.

Caballe ka kënduar me shumë këngëtarë të tjerë të famshëm ndër të cilët Pavaroti, Plaçido Domingo dhe Carreras.

Kur kam kënduar ‘Manon Lescaut’ me Domingon, që ishte i mrekullueshëm ai më tha se kishte zbuluar një botë të re duke kënduar me mua, dhe e njëjta gjë më ndodhi mua. Me Jose Carreras kam pasur një lidhje shumë të veçantë, kemi mbetur të magjepsur njëri me tjetrin. Gjithashtu me Pavarotin, që për mua ka qenë si një baba.

Montserrat Caballe

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

4 banka ndërkombëtare udhëheqin Shqipërinë në marrjen e eurobondit, 600 mln euro para marsit

4 banka ndërkombëtare udhëheqin Shqipërinë në marrjen e eurobondit, 600 mln euro para marsit

15 Janar, 15:50 nga Eliza Gjediku