POP 5

Lajmet më të lexuara të 5 minutave të fundit

Kronikë

Shuhet parodisti i Vlorës, Meta: Stigmatizonte me mençuri plagët sociale të shoqërisë shqiptare

Ndarja nga jeta në mënyrë të papritur e një prej parodistëve të Vlorës, Muhamet Likos, ka prekur jo vetëm artin shqiptar, por edhe të gjithë dashamirësit e humorit të veçantë të grupit që kanë bërë për të qeshur të madh e të vogël ndër vite. 

Shuhet parodisti i Vlorës, Meta: Stigmatizonte me mençuri plagët sociale të shoqërisë shqiptare

Ndarja nga jeta në mënyrë të papritur e një prej parodistëve të Vlorës, Muhamet Likos, ka prekur jo vetëm artin shqiptar, por edhe të gjithë dashamirësit e humorit të veçantë të grupit që kanë bërë për të qeshur të madh e të vogël ndër vite. 

Rendit zhvillimet sipas orarit:
Ora 22:50
Basha mesazh ngushëllimi për ndarjen nga jeta të Muhamet Likos: Një humbje e pakthyeshme


Kreu i Partisë Demokratik, Lulzim Bash ka reaguar për lajmin e hidhur se ndarjes nga jeta të parodistit të mirënjohur Muhamet Liko.

Me anë të një reagimi në rrjetet sociale Basha shkruan se largimi i papritur i Muhamet Likos e shënoi atë përjetësisht në një gur kilometrik për historinë e humorit vlonjat dhe atij kombëtar.

Më pas Basha shkruan se për dashamirësit e artit do të kujtojnë një humor që s'harrohet.

Reagimi i plotë i Bashës:

"Mësova me hidhërim ndarjen e papritur nga jeta të artistit të madh të humorit Muhamet Liko. Vetëm para pak ditësh, Liko ishte në skenën e Teatrit “Petro Marko”, si dëshmitar i stafetës që brezat e ndryshëm të humorit vlonjat po i kalojnë njëri-tjetrit, një kumbar i shkëlqyer i asaj tradite që ai e vijoi me dinjitet për 40 vjet me radhë, qëkur mori stafetën nga Leka Kruta i famshëm dhe iu bashku parodistëve Agron Hamo, Afrim Agalliu dhe Mane Lumanin në mesin e viteve ’70 dhe krijuan kuartetin që dominoi parodinë kombëtare.

Humori i parodive të Vlorës kaloi çdo censurë e çdo barrierë, për të mbijetuar zezonën e diktaturës, por edhe sfidën e të bërit humor në liri. Paroditë e Muhamet Likës dhe 3 kolegëve të tij ishin nga ngjarjet kryesore të fundviteve të zymta të diktaturës, kokëçarje për censorët e regjimit dhe gëzim e shpresë për secilin prej nesh.

Largimi i papritur i Muhamet Likos e shënon atë përjetësisht në një gur kilometrik për historinë e humorit vlonjat dhe atij kombëtar. Asgjë nuk e lehtëson dhimbjen e familjarëve për humbjen kaq të papritur të njeriut të tyre më të dashur. Për ta është një humbje e pakthyeshme, por dashamirësit e artit, kudo në trojet shqiptare, sa herë ti kthehen repertorit me sprovat e jashtëzakonshme artistike në dy kohë të Muhamet Likos, do kujtojnë një humor që s’harrohet, një art që do ta kemi përgjithmonë.U prehtë në paqen e amëshuar!"

Ora 17:04
Shuhet parodisti! Meta: Humbje e parakohshme dhe e pazëvendësueshme...më ka prekur thellë

Presidenti Ilir Meta ka shprehur ngushëllimet për ndarjen nga jeta të parodistit të Vlorës, i cili u shua pas një arresti kardiak në Itali ku kishte shkuar për kurim nga zemra.

"Me hidhërim mësova lajmin e trishtë të ndarjes nga jeta të aktorit të spikatur të humorit shqiptar, njërit prej parodistëve më të dashur të Vlorës, Muhamet Liko. Ashtu si për të gjithë artdashësit dhe simpatizantët e Tij të panumërt, kjo humbje e parakohshme dhe e pazëvendësueshme më ka prekur thellë. Mjeshtri i Madh i skenës, Muhamet Liko do të mbahet mend përherë për paroditë, skeçet, humorin karakteristik e rolet gazmore, nëpërmjet të cilave jo vetëm falte momente të pashlyera argëtimi, por njëkohësisht stigmatizonte me plot mençuri plagët sociale të shoqërisë shqiptare. Duke ndarë dhimbjen e thellë për humbjen e këtij artisti të madh, i përcjell ngushëllimet më të sinqerta bashkëshortes dhe fëmijëve, të afërmve dhe gjithë bashkëpunëtorëve të Tij.
I paharruar do të mbetesh parodisti ynë i dashur!", shkruan Meta.

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56