Rreth 23% e kompanive të anketuara nga Këshilli i Investimeve deklaruan se zgjodhën punën online nga shtëpia për punonjësit e tyre, në momentin që filloi pandemia dhe ishte e pamundur paraqitja në punë.
Puna online është shfrytëzuar në masë më të madhe nga sektori i Shërbimeve, me gati 29% të tyre dhe turizmi, me 25%. Ndërtimi, industria dhe bujqësia, për vetë natyrën e aktivitetit të tyre e kanë pasur të pamundur që të shfrytëzojnë lehtësitë që krijon teknologjia.
Puna nga shtëpia duket se ka rezultuar si një zgjidhje eficiente, pasi një pjesë e madhe e kompanive që e praktikuan mendojnë që të vazhdojnë edhe pas pandemisë. Sipas anketimit, nga 23% e kompanive që shfrytëzuan punën online, më shumë se gjysma deklarojnë se do ta shfrytëzojnë këtë alternativë edhe në ardhmen.
Turizmi ka vuajtur më shumë heqjen nga puna
Sipas anketimit, 39% e të anketuarve nuk morën asnjë masë për adresimin e pamundësisë për t’u paraqitur në punë; shifrat janë të ngjashme me përgjigjet e të anketuarve të një viti më parë. 13% dhanë lejen vjetore, 25% deklaruan se i hoqën nga puna dhe 23 punuan online.
Turizmi ka vuajtur më shumë heqjen nga puna, me 44% të të anketuarve në këtë sektor, që zgjodhën këtë alternativë. Vështirësi ka pasur edhe bujqësia, me 30% që u përgjigjën se i kishin hequr punonjësit nga puna, ndërsa më të qëndrueshme ishin tregtia dhe ndërtimi.
55% e të anketuarve deklarojnë se kanë përfituar nga skemat mbështetëse të qeverisë aplikuar pas pandemisë COVID-19;
Sektorët që kanë përfituar më shumë janë sektori i Ndërtimit, Tregtia, Industria dhe Turizmi.
Pagat e luftës ka qënë instrumenti më i përfituar nga kompanitë e anketuara, në të gjithë sektorët e ekonomisë;
Industria dhe Ndërtimi kanë shfrytëzuar më shumë Garancinë Sovrane, ndërsa turizmi është sektori që ka përfituar më shumë nga Skemat e punësimit.
Anketa
Sekretariati i Këshillit të Investimeve në prill 2021 zhvilloi një anketë për të vlerësuar ndikimin e Covid-19 në ecurinë e aktivitetit të bizneseve. Kjo është anketa e dytë e kryer një vit më pas fillimit të pandemisë.
Anketimi i parë “Vlerësim i impaktit të pandemisë COVID-19 mbi biznesin në Shqipëri” I, një iniciativë e Sekretariatit të Këshillit të Investimeve dhe Ministrisë së Financave dhe Ekonomisë, u ndërmor në Prill-Maj 2020 me synimin për të mbledhur evidenca në lidhje me efektet e mundshme të pandemisë COVID-19 mbi biznesin dhe aktivitetin e tij.
Pas 1 viti, Sekretariati ndërmori një anketim të ngjashëm (70% e pyetjeve të njëjta) për të vlerësuar sfidat e biznesit dhe efektet reale të pandemisë COVID19. 427 kompani i’u përgjigjen një pyetësori online. Në anketën e dytë të këtij viti, 89% e kompanive, kanë konfirmuar efektin negativ/shumë negativ të pandemisë në aktivitetin e tyre, ndërsa 65% e të anketuarve deklaruan ulje më shumë se 20% të të ardhurave./monitor/
Lajme të tjera
-
Shqipëria drejt 'blerjes' së mijëra punonjësve të huaj, ekspertët: Vijnë të pakualifikuar e nuk plotësojnë nevojat e tregut!
9 Maj, 15:22
-
21 mijë të rinj dolën nga tregu i punës në 2023, 'u zëvendësuan' nga 27 mijë pensionistë
13 Mars, 14:31 -
Në 2022, më pak të punësuar me pagë, u rrit vetëpunësimi! INSTAT: Vitin e kaluar informaliteti në tregun e punës arriti 28%
5 Dhjetor 2023, 16:01
-
Gjermania në kërkim të ekspertëve, DW: Ja cilat janë profesionet më të kërkuara
11 Nëntor 2023, 14:50 -
Çfarë preferojnë të rinjtë dhe si është tregu i punës? Eksperti i punësimit: Maturantët zgjedhin mundësitë e pagat, jo kushtëzimet
27 Gusht 2023, 16:30
-
Çfarë kërkon tregu i punës dhe çfarë studiojnë të rinjtë në Kosovë?
25 Gusht 2023, 17:45 -
Shifrat/ 13% e të rinjve 25-29 vjeç nuk duan të punojnë
31 Korrik 2023, 08:04 -
Buxheti hyn në krizë, të ardhurat bien me 3.5% në dhjetor! Në tkurrje për herë të parë që nga pandemia
22 Shkurt 2023, 10:55 -
Tre vjet pas alarmit fillestar dhe shpalljes si pandemi, reagon OBSH: COVID-19 ende një emergjencë ndërkombëtare, kini kujdes!
30 Janar 2023, 14:45 -
Zbardhet vendimi/ 2-8 vite burg kush përhap infeksione pa e ditur, Gjykata Kushtetuese rrëzon ndryshimet në Kodin Penal, ndëshkim vetëm për përhapësit e sëmundjeve me dashje
18 Janar 2023, 21:35
-
Tregu i punës në vitin 2023, punonjësit drejtojnë 'timonin' e biznesit
14 Janar 2023, 08:20 -
Komiteti i Ekspertëve nuk vendos testin për pasagjerët nga Kina: Sugjerojmë doza të treta dhe të katërta të vaksinës kundër COVID-19
30 Dhjetor 2022, 16:08
