Një ngjarje e rëndë është shënuar në Cardiff të Britanisë së Madhe,ku një nënë shqiptare ka ndërruar jetë gjatë lindjes së foshnjes së saj në një spital të Uellsit.

Ngjarja e rëndë ka ndodhur në tetor të vitit 2016, ndërsa kushëriri i të ndjerës Klodiani 30-vjeçar  me profesion doktor dhe piktor, tregon se si po rritet Angela pa praninë e nënës së saj, ndonëse është shumë e vogël dhe nuk  ka dijeni për ngjarjen e rëndë.

Sipas mediave britanike nëna shqiptare është Duhije  Kika, e cila kishte para tre muajsh ka kërkuar azil në Britani, ndonëse e njihte shumë pak gjuhën angleze.

 ‘Vajza ende nuk e di se çfarë ka ndodhur. Gëzon shëndet të mirë. Mua më thërret babi dhe gruas time i thotë mami. Është shumë e vështirë, shumë shumë e trishtë”, tregon kushëriri i Duhije Kikës.

Shqiptarja ka lindur me prerje cezariane, por pas tre orësh që solli në jëtë fëmijën  ajo u sëmur me Sepsis dhe fatkeqësisht ndërroi jetë.

Sot Angela rritet pa ngrohtësinë e mamasë së saj, ndërkohë përkujdesja nga kushëriri i të ndjerës Klodiani është në çdo moment për vogëlushen.

Redaksia Online
N.M/Shqiptarja.com