Si i rrëmbeu Rusia fëmijët ukrainas, një nënë s’e gjeti djalin në shkollë dhe e pa në lajmet e Moskës! Një i mitur i shpëtuar: Më thanë tani je rus, do kesh prindër të tjerë

Ekziston një video zyrtare që tregon se si Maria Lvova-Belova, komisionerja e Moskës për të drejtat e fëmijëve falënderon Presidentin Vladimir Putin që e lejoi të birësojë një fëmijë ukrainas . Ajo video, e rilançuar nga propaganda e Kremlinit, u bë një nga elementët e akuzës kundër vetë presidentit rus dhe komisioneres së Moskës për të drejtat e fëmijëve, të akuzuar nga Gjykata Penale Ndërkombëtare në Hagë për krime lufte për deportim të të miturve ukrainas.

Urdhër arresti i nënshkruar dy ditë më parë nga gjyqtarët Rosario Aitala, Tomoko Akane dhe Sergio Ugalde rindërton planin për transferimin e fëmijëve dhe adoleshentëve , udhëtimin në bordin e avionëve ushtarakë, grumbullimet në shkolla dhe jetimore, falsifikimin e dokumenteve. Një projekt kriminal , i cili mori formë majin e kaluar, disa javë pas pushtimit të Ukrainës, me nënshkrimin e Putinit në dekretin që parashikon procedura të thjeshtuara për njohjen urgjente të shtetësisë ruse për të miturit që u rrëmbyen familjeve të tyre pas pushtimit .

“Presidenti rus mund të gjykohet, megjithëse Moska beson se nuk i nënshtrohet vendimeve të Gjykatës Ndërkombëtare Penale”, tha dje për CNN kryeprokurori i Gjykatës Ndërkombëtare Penale, Karim Khan, dhe më pas shtoi: “Ka pasur gjykime historike kundër e kriminelëve nazistë të luftës, ish-presidentit jugosllav Slobodan Millosheviç dhe ish-udhëheqësit liberian Charles Taylor. Të gjithë ata ishin individë të fuqishëm dhe megjithatë e gjetën veten në salla të gjyqit”.

LEXO EDHE:
ShBA-ja i kërkon Ukrainës që të ulë moshën e shërbimit ushtarak në 18-vjeç

Të deportuar me fluturime ushtarake

Ishin hetuesit e koordinuar nga Khan ata që rindërtuan dhjetëra e dhjetëra fluturime të bëra nga ushtria ruse për të transferuar fëmijë dhe të rinj nga territoret e pushtuara të Donbasit dhe për t'i çuar në Rusi. Pjesa tjetër u bë nga kontrollet e gjyqtarëve. Selia e Seksionit Paraprak, president i të cilit është gjyqtari italian Rosario Aitala ndodhet në kullën B, në katin e katërt të selisë së Gjykatës. Nga 18 gjyqtarët e GJNP-së, 7 punojnë në këto zyra: përveç italianit, janë dy amerikano-jugorë, dy afrikanë, një japonez, një hungarez. Pastaj rreth njëzet këshilltarë dhe ndihmës juridikë nga e gjithë bota. Kërkesat për arrest janë bërë rreth njëzet ditë më parë nga magjistratët e prokurorisë dhe në disa raste gjyqtarët kanë urdhëruar hetime të reja për të ndjekur ankesat e familjarëve dhe për të bërë ankesa të mëtejshme. Mandati i firmosur dy ditë më parë është vetëm akti i parë i një hetimi që mund të sjellë masa të reja. Në rastet kur dëshmitarët rrezikoheshin të zhdukeshin, Aitala dhe kolegët e tij organizuan seanca të fshehta të provës pikërisht për të vërtetuar deklaratat e tyre.

Videot e të rrëmbyerve dhe foshnjës që qan

Dëshmitë e prindërve dhe historitë e atyre që arritën të kthehen në Ukrainë, mbi të gjitha falë angazhimit të organizatave humanitare, bëjnë të qartë se plani i Moskës është ende në zhvillim e sipër. Një grua e intervistuar gjatë hetimit thotë se ajo shkoi të merrte djalin e saj nga shkolla dhe nuk e gjeti më.

“Kam gabuar, nuk duhet ta kisha dërguar. Mësova se çfarë kishte ndodhur kur e njoha në një video propagandistike ruse. Ai ishte i dëshpëruar, nuk pushonte së qari”, tha ai.

Është një nga fëmijët e marrë me avionë ushtarakë dhe gruaja nuk e di se ku ndodhet tani. Ajo nuk është e vetmja. TV rus, por edhe mediat sociale propagandistike të Moskës shpesh shfaqin imazhe të fëmijëve në shkollat ​​e reja, të shfaqura si trofe ose të besuara familjeve të reja. Ka shumë ukrainas që i kanë njohur fëmijët e tyre në ato filma, por nuk kanë mundur t'i sjellin në shtëpi. Shumëve iu tha se prindërit e tyre kishin vdekur , të tjerëve nuk e kuptonin rusishten dhe nuk e kuptonin se çfarë ndodhi.

Shkëmbimi me të burgosurit

Sipas raportit të OKB-së janë të paktën gjashtë mijë të mitur të dëbuar, autoritetet e Kievit raportojnë zhdukjen e mbi 16 mijë . Gjyqtarët në Hagë kanë mbledhur prova për rreth 600 raste dhe theksojnë në urdhër-arrestin se vetëm një i mitur në njëqind ka arritur të kthehet në shtëpi. Veprat flasin shprehimisht për "njerëz të trajtuar si plaçkë lufte". Referenca është për negociatat e përfunduara falë ndërhyrjes së shërbimeve të inteligjencës që ukrainasit t'i shkëmbejnë me ushtarë rusë të kapur. Ndër të dhënat e mbledhura nga gjyqtarët e Gjykatës është edhe ai i një fëmije të kthyer te prindërit.

“Nuk më keqtrajtuan, por kur qava dhe pyeta për mamin dhe babin më thanë se kishin vdekur. Më thanë se tani je rus dhe do të kesh tjetër nënë dhe një baba tjetër”, tha ai.

Zyrtarë të shtetit dhe ushtarë

Vazhdon hetimi për rrjetin e ushtarëve, zyrtarëve qeveritarë, drejtorëve të jetimoreve ruse që morën pjesë në dëbimin e të miturve, kujdesin për mbajtjen, transferimin e tyre, në disa raste falsifikimin e dokumenteve për t'ua besuar familjeve të reja. Disa prindër të cilëve tani u janë besuar fëmijët ukrainas mund të kenë qenë bashkëpunëtorë të padashur në trafikim , por në shumicën e rasteve organizatat humanitare kanë denoncuar respektimin e plotë të planit të Putinit. Është konstatuar se në disa raste fëmijët jepeshin si çmim nga regjimi i Moskës, "bëheshin dhuratë për oficerët më besnikë". Ashtu siç ndodhi në Argjentinë në kohën e diktaturës së Jorge Videlës./ Përkthyer nga Corriere

K.T./r.k./Shqiptarja.com

TAG:
• lufta ne ukraine
• vladimir putin