POP 5

Lajmet më të lexuara të 5 minutave të fundit

Kronikë

Si nisi e si përfundoi dosja e 'Tërmetit', prokuroria ndryshoi akuzën e vrasjes për 4 të pandehurit

Nga “Vrasja me dashje indirekte” u ndryshua në “Vrasje nga pakujdesia”, që parashikon një dënim nga gjobë deri në 5 vjet burgim

Përgjatë 12 muajve hetime, prokuroria e Durrësit ka konkretizuar ditën e sotme mbylljen e çështjes penale kundër personave të proceduar dhe arrestuar, pas tërmetit të 26 nëntorit 2019.

Dosja hetimore që solli dhe arrestimet për këtë ngjarje, nisi për akuzën e “Vrasjes me dashje në mënyrë indirekt”, Falsifikim dokumentash dhe Shpërdorim detyre.

Por në mbyllje të hetimeve, prokuroria e Durrësit vendosi të ndryshonte akuzën për 4 të pandehurit nga “Vrasje me dashje në mënyrë indirekte” në “Vrasje nga pakujdesia”, akuzë kjo që parashikon një dënim me gjobë deri në 5 vite burgim.

Personat e vetëm që akuzohen për vrasje nga pakujdesia, janë inxhinierja Dëshira Qato pronare e “Vila Palma, Ruzhdi Xheka pronar i hotel “Mira Mare”, Ramiz Shehu ndërtues i “Vila Lala” dhe Abdulla Osmani pronar i hotel “Tropikal”.

Vetëm këta persona parashikojnë një dënim me gjobë deri në 5 vite burgim. Ky ndryshim akuzash, ka ardhur për shkak se prokuroria e Durrësit, nuk ka qënë në gjëndje të provojë ndaj të pandehurve qëllimin dhe dashjen e vrasjes, ndaj dhe akuza përfundimtare kundër 4 prej tyre ka shkuar në “Vrasje nga pakujdesia”.

Ndërsa bashkëshorti i Dëshira Qatos, inxhinieri Arjan Qato, akuzohet për veprën penale të “Shpërdorimit të detyrës”, që parashikon një dënim nga gjobë deri në 7 vjet burgim. Për këtë akuzë dhe veprën penale të falsifikimit të dokumentave janë marë të pandehur 12 personat e tjerë.

Ndërsa për shkak të vdekjes, prokuroria ka pushuar akuzën për dy personat e vënë nën hetim, Dëfrim Celami dhe Ahmet Doda, ish-drejtor i Kavalishencës së Ministrisë së Brendshme.

E.M./K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Berisha me gratë demokrate të LDG: Kjo është qeveria e Luciferit, shqiptarët kanë marrë arratinë! Ministret e Ramës pa forcë morale

Berisha me gratë demokrate të LDG: Kjo është qeveria e Luciferit, shqiptarët kanë marrë arratinë! Ministret e Ramës pa forcë morale

25 Dhjetor, 19:13