POP 5

Lajmet më të lexuara të 5 minutave të fundit

Opinion

Si përfundim, gjithë fajin e ka i 'poshtri' Rama

Kur një parti mbledh Kuvendin e saj Kombëtar, pas humbjes së zgjedhjeve, sidomos kur është humbja e tretë radhazi në zgjedhjet parlamentare, çka do të thotë 12 vite të gjata në opozitë, çdokush mendon se do të bëhet një analizë serioze për shkaqet e humbjes dhe si mund të fitohet në zgjedhjet e ardhshme

Si përfundim, gjithë fajin e ka i 'poshtri' Rama

Kryeministri Edi Rama

Kur një parti mbledh Kuvendin e saj Kombëtar, pas humbjes së zgjedhjeve, sidomos kur është humbja e tretë radhazi në zgjedhjet parlamentare, çka do të thotë 12 vite të gjata në opozitë, çdokush mendon se do të bëhet një analizë serioze për shkaqet e humbjes dhe si mund të fitohet në zgjedhjet e ardhshme.

Por çuditërisht, në Kuvendin e Partisë Demokratike nuk ka ndodhur kështu.

Ata i kanë rënë shkurt, duke thënë se fajin që humbën e ka Edi Rama, se ai nuk i la të fitonin, duke iu vjedhur zgjedhjet.

Natyrisht, provat bindëse për këto pretendime mungojnë.

Por, e marrim të mirëqenë se nuk i la Rama të fitonin dhe iu vodhi votat.

Pyetja që ngrihet është, si do të fitojnë në zgjedhjet e ardhshme, se prapë Edi Ramën do të kenë përballë?

Si do t’ia bëjnë që të mos i vjedhë, se kanë të paktën dy palë zgjedhje parlamentare, që thonë se po humbasin ngaqë Edi Rama iu grabit votat?

Si nuk doli në njeri me logjikë normale, e të thotë se vërtet Edi Rama mund t’iu ketë vjedhur votat, por është po aq e vërtetë se ata humbën edhe për shkak të vendimit të Luzim Bashës për t’u larguar nga Parlamenti, çka i dha mundësinë Ramës të ndryshonte Kodin Elektoral, gjë që ishte deçizive në humbjen e opozitës!

Si nuk doli dikush e të thotë se vërtet ky Edi Rama është i tmerrshëm e të bën gjëmën, aq më tepër që ka të gjitha pushtetet, por a nuk ishte vetë Lulzim Basha që ia dorëzoi gjithë Bashkitë, duke bojkotuar zgjedhjet vendore!

Dhe dihet, pushteti në Bashki, përkthehet në vota të punonjësve, punësime, rrugë, ujësjellësa, investime etj etj, që të japin vota.

Nuk po them pastaj që të dilte dikush e të thoshte se opozita humbi edhe për shkak se u identifikua me dyshen Berisha-Meta, se kjo do të ishte e tepërt, por dy arsyet e para edhe mund t’i përmendnin.

Se është e lehtë të dalësh e të thuash Rama, Rama, Rama.

Problemi është se zgjedhjet e ardhshme vendore janë tek dera dhe nuk mund të vazhdohet me refrenin e Ramës.

Ndryshe, kot që merrni pjesë në zgjedhje, kuptohet nëse doni të fitoni ndonjëherë!

J.GJ.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Nasi: 21/07/2021 11:40

    Po pse pak eshte qe zgjedhjet te vidhen nga nje konglomerat kapsish shteti me Ramen ne krye??? Vjen apo svjen PD ne pushtet, pak rendesi ka. Autokracia dhe kapja e plote e shtetit ka rendesi. Dje eshte fatkeqesi.

    Përgjigju
    • katarakti: 22/07/2021 10:29

      Mentaliteti dhe provincialiteti i kombit tone eshte unikal! PD dhe Saliu me te tijte eshte Parti politike! Ajo eshte puna e tyre genje,deformo,akuzo kundershtarin! Te verteta ose jo! Ka edhe bashkekombas,shumica nuk dine shkrim e kendim qe ju eshte bere refren "regjimi oligarkhik i Rames"! Harroni Zoterinj qe Saliu dhe Enveri ishin te tille! Vetem hajdutet dhe te poshtrit kane ngelur ne PD ne te tjeret na rrahu e denigroi "udheheqesi legjendar" Sali Sheqere Berisha!

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Analiza e VOA: Demokracia në provë në Evropën Lindore mes akuzave për ndërhyrje nga Rusia

Analiza e VOA: Demokracia në provë në Evropën Lindore mes akuzave për ndërhyrje nga Rusia

25 Dhjetor, 19:34