'Siguria rrëzon Metën', Vasili: U zhbë Vettingu në polici me argumente idiote, pse heshtin ndërkombëtarët?

TIRANË- Komisioni i Sigurisë Kombëtare e rrëzoi dekretin e Presidentit Meta për vettingun në polici.

Ndryshimet që Lleshaj i bëri ligjit të përgatitur nga Xhafaj ngelin në fuqi, duke bërë që të mos ketë një afat për të përmbyllur kontrollin e policëve dhe për shumicën prej tyre verifikimin ta bëjë SHCBA-ja. Por ky vendim i marrë mesditën e sotme, për numrin dy të Lëvizjes Socialiste për Integrim, Petrit Vasili është tregues që Vettingu në Polici është i kapur nga politika. Nëpërmjet një reagimi të shkurtër në rrjetet sociale, Vasili shkruan se përveç "zhbërjes" së vettingut, më skandaloze është heshtja e ndërkombëtarëve.

Vasili ka sërish një qëndrim shumë  kritik nga tyre, sipas së cilit ndërhyjnë aty ku nuk u takojnë, por për gjërat që janë me rëndësi zgjedhin të heshtin. Sipas tij, kjo heshtje e ndërkombëtarëve, është tregues se nuk janë objektiv në qëndrimet e tyre.

Ndërkohë, ai shton se argumentet e dhëna nga Ministri i Brendshëm, Sandër Lleshaj në Komision nuk janë të bazuara.

"Skandaloze heshtja e Nderkombetareve perpara zhbërjes e kapjes se Vetingut ne polici.

Vetingu ne polici u zhbë me argumentat idiote te nje Ministri te trashe,vulgar e te perdorur. Pa u thare boja e Ligjit te miratuar te Vetingut ne polici, Ministria e Brendeshme me argumente leshi e ndryshoi,e zhbeu dhe e kapi. Vetingu u mbeshtet ne parlament ne ate kohe nga LSI dhe me insistimin e saj u reflektuan edhe shume verejtje te nderkombetareve, vecanerisht te ICITAP-it, Misionit per policine i Ambasades Amerikane ne Tirane,qe qeveria e rilindjes i kishte perbuzur e refuzuar. Eshte e pabesueshme heshtja e nderkombetareve perpara ketij shkaterrimi. Kjo heshtje kontraston shume me zellin e tyre shproporcional per te folur per mjaft ceshtje,qe as nuk u perkasin fare, bile shpesh shkojne ne menyre kritike pertej mandatit te tyre diplomatik.

Edhe ushtrimi i vetem per te realizuar nje mirekuptim mes opozites dhe qeverise u rrenua perfundimisht bashke me cdo iluzion per dialog me kete qeveri politikisht dhe moralisht te shperbere.Vetingu i tanishem eshte nje vegel e ndyre shantazhi ndaj trupes se policise,qe perdoret nga duart e ndyra te rilindjes me qellimin per ta kthyer policine ne nje kamikaxe dhe instrument kriminal te urryer antipopull. Prandaj ky parlament i pacipe,qe me qetesi maskarenjsh voton te kunderten e atyre qe ka votuar po vete, meriton braktisjen dhe perbuzjen per shkak te kriminalizimit te tij.Me ç'surrat do dalin ne rruge keta deputete te shnderruarr ne dhembe te kalbur ne gojen e Edi Rames,qe votojne asgjesimin e policise se shtetit", shkruan Vasili. 

B.K./Shqiptarja.com

TAG:
• LSI
• Petrit Vasili
• vettingu ne polici
• Sander Leshaj