Ndryshimet ligjore në Policinë Ushtarake, që zhveshin këtë institucion nga detyra për të mbrojtur zonat ushtarake dhe që merr në mbrojtje Ministrin e Mbrojtjes, mori vulën e Komisionit të Sigurisë Kombëtare, për të kaluar për votim në seancë plenare.
Komisioni për Sigurinë Kombëtare, u mblodh të martën për të diskutuar ndryshimet ligjore në ligjin për “Policinë Ushtarake”, të propozuara nga Ministri i Mbrojtjes. Diskutimi për projektligjin zgjati rreth një orë. Deputeti i Partisë Demokratike Ferdinand Xhaferri kërkoi angazhimin e Ministrisë së Mbrojtjes për të ndryshuar paragrafin ku “Policia Ushtarake” zhvishet nga detyra për të mbrojtur repartet ushtarake. Por ky propozim u rrëzua nga Zv/Ministrja e Mbrojtjes Dallëndyshe Bici.
“Ministri shprehu gatishmëri për ti ardhur ndesh kërkesave të opozitës. A jeni të gatshëm të ndryshoni paragrafin ku “Policia Ushtarake” nga institucion mbrojtës, kthehet në institucion mbështetës për mbrojtjen e bazave ushtarake?”,- tha Xhaferri.
“Ne si ministri i qëndrojmë versionit tonë të parë dhe kërkojmë që të votohet version siç e kemi sjell”,- tha Bici.
Në përfundim të debateve në Komisionin e Sigurisë, që është dhe Komisioni Përgjegjës, pr/ligji u miratua me votat e mazhorancës, teksa opozita votoj kundër.
Sipas ndryshimeve ligjore, Policisë Ushtarake i hiqet nga kompetenca e mbrojtjes së drejtpërdrejtë të pronave të Forcave të Armatosura. Fjalia ‘mbrojtjes e pronës’ është zëvendësuar me ‘mbështetje për mbrojtjen e pronës’. Ndryshimi është i rëndësishëm, pasi Policia Ushtarake do të vihet në lëvizje për mbështetjen dhe mbrojtjen e pronës vetëm për të kryer veprime procedurale dhe vetëm kur të njoftohet nga strukturat e tjera që e kanë në administrim atë pronë të ushtrisë.
Pronat e ushtrisë do të ruhen në kuptimin fizik nga roje fizike, grupe kontrolli, siguri fizike, rrethim të jashtëm etj., ndërsa Policia Ushtarake do të veprojnë vetëm nëse një gjë të tillë do t’ia kërkojnë strukturat e Ministrisë së Mbrojtjes.
Ndryshimet parashikojnë që personali i Policisë Ushtarake do të mbajë përgjegjësi edhe për mosveprime me pasoja penale. Në ligjin aktual parashikohej vetëm veprimi me pasoja penale. Projektligji rrit masën e shpërblimit vjetor të punonjësit të i Policisë Ushtarake brenda vitit. Pika 3 e nenit 41 të ligjit në fuqi parashikon që punonjësi i Policisë Ushtarake trajtohet me veshmbathje civile, në vlerë leku, një herë në vit, në masën e gjysmës së pagës mujore. Ndryshimet parashikojnë trajtimin në vlerën e një page mujore. Po ashtu, ndryshimet ligjore do u mundësojnë anëtarëve të Policisë Ushtarake të marrin pjesë në stërvitje të NATO-s, me qëllim rritjen e ekspertizës së Policisë Ushtarake. Tashmë ky, projektligj pritet të votohet në seancën plenare të kuvendit që do të mbahet të enjten më 21 korrik 2022.
Lajme të tjera
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Moti i keq, Ministria e Mbrojtjes: Situata është qetësuar dhe po shkon drejt normalizimit
22 Nëntor, 19:02 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
-
‘Urban Operation 24’, Toga e Këmbësorisë mbyll me sukses stërvitjen në Bullgari, Vengu: Dëshmi e investimit në ushtri, angazhim për paqe dhe stabilitet bashkë me NATO-n (VIDEO)
17 Nëntor, 16:04 -
Stërvitja 'SAR RESPONSE 2024', Ministria e Mbrojtjes: Përgjigjje efektive ndaj çdo emergjence duke siguruar mbrojtjen e jetës
15 Nëntor, 10:36 -
Drejtori i Policisë, Proda tek 'Siguria': Për masakrën e Shkodrës shpejt kemi rezultate, e them me garanci! Na financoni 50 % e flotës e amortizuar, i marrim me qira! Shtohen dhe 500 efektivë
13 Nëntor, 13:33
-
Në 2025 ndërtohet burgu i Kukësit! Merr jetë projekti anti-dronë
12 Nëntor, 17:09
-
“Në 2025, 2 avionë për zjarret dhe stërvitje!” Xhaferraj përplasje me ministrin e Mbrojtjes në kuvend
11 Nëntor, 17:07
-
Komisioni i Sigurisë/ Vengu: Do ringremë flotën ajrore, investime në blerje avionësh si për stërvitje pilotësh, ashtu edhe për emergjenca civile
11 Nëntor, 15:46 -
Debate te Komisioni i Sigurisë/ Vengu: Buxheti me rritje, kap 2% e vendosur nga NATO! Kampus i ri për ushtrinë! Xhaferraj: Mos bëj ironi, je për SPAK
11 Nëntor, 14:44 -
Projektligji i Qeverisë, rreth 2100 ish-ushtarakë dhe civilë, me mundësinë për t’u bërë rezervistë! Drafti në Kuvend, kostoja 1,5 mld lekë (DOKUMENTI)
6 Nëntor, 22:35
