48 leje drejtimi janë pezulluar në Qarkun e Kukësit dhe tunelin e Kalimashit gjatë 48 orëve të fundit, ndërkohë që 6 drejtues mjetesh janë proceduar.

Sipas policisë, nga operacioni i koduar “TISPOL”, për "Rritjen e parametrave të sigurisë rrugore në fundjavë".
 
Sipas policisë, 38 leje drejtimi janë pezulluar për shpejtësi tej normave të lejuara në Tunelin e Kalimashit konstatuar me Radar. 5 leje drejtimi për drejtim mjeti nën ndikimin e alkoolit, konstatuar me Drager. 5 leje drejtimi të tërhequra për dhënie mjeti për drejtim personave qe janë të pa paisur me leje drejtimi. Ndërkohë, 54 drejtues mjetesh u ndëshkuan me masë plotësuese dhe u dërgua për gjykim në OASH-KUKËS. 

Janë vendosur 46 masa administrative për shkelje të ndryshmë si mos përdorim të sistemeve të fiksimit( kryesisht rripi i sigurimit) dhe përdorim të celularit gjatë drejtimit të mjetit.

Janë bllokuar 12 mjete për mungesë dokumentacioni, ndërkohë që ka nisur pilotimi i kamerave të trupit të punonjësit të Policisë.

Redaksia Online
(F.T/shqiptarja.com)