Besimtarët e Beratit kanë festuar sot Sulltan Nevruzin, një nga ditët më të rëndësishme për komunitetin bektashian.

Ceremonia u organizua nga Tarikati islam Rifai, nën drejtimin e Sheh Ali Xhemil Hoxha dhe mblodhi dhjetëra besimtarë, si dhe përfaqësues të institucioneve vendore, forcave politike dhe komuniteteve të tjera fetare.

Gjatë aktivitetit u mbajtën ligjërata fetare mbi jetën dhe veprën e Imam Ali, ndërsa u theksua rëndësia e kësaj dite si simbol i shpresës, ringjalljes dhe fillimit të ri.

Sulltan Nevruzi përkon me ditëlindjen e Imam Aliut dhe shënon nisjen e vitit të ri sipas traditës bektashiane.

Sipas Sheh Ali Xhemil Hoxhës, kjo festë bashkon besimtarët dhe përcjell mesazhe paqeje, harmonie dhe solidariteti.

Në përfundim të festimeve, familjet kremtojnë në shtëpitë e tyre, ndërsa të nesërmen shpërndajnë ndihma për njerëzit në nevojë, duke vijuar kështu një traditë të hershme të kësaj dite të shënuar.


Lajmi kryesor:

Bektashinjtë festojnë ‘Sulltan Nevruzin’, dita e rigjallërimit shpirtëror! Baba Mondi: Mirësi dhe harmoni mes njëri-tjetrit