POP 5

Lajmet më të lexuara të 5 minutave të fundit

Kultura

Simon Gjoni, ‘Luleborë’ 'e rikthen' në Opera përmes veprës! I biri: Iku i plotësuar! Emocione me 'Bjeshkëzo', Nina e Inva Mula 'bashkë' në këngë

Simon Gjoni ‘u rikthye’ në Opera përmes një koncerti jubilar në 100-vjetorin e lindjes që risolli disa nga veprat e tij. Një mbrëmje shumëngjyrëshe, ku performuan artistë të përzgjedhur, përfshirë sopranon Inva Mula

Në skenën e Operas ku dirigjoi dhjetëra vepra botërore, Simon Gjoni u rikthye këtë javë përmes krijimtarisë së tij...

Koncerti “Luleborë", në këtë 100-vjetor të lindjes, dirigjohet nga ish-studenti i tij, Eno Koço, e disa prej veprave vijnë të ripunuara nga Gridi Kraja.

Si ‘qershia mbi tortë’ e aktiviteteve të mbajtura përgjatë kësaj jave në nder të tij,  ky koncert shpalosi kontributin artistik e human të dirigjentit e kompozitorit të gjithanshëm... 

Mbi 200 këngë të kompozuara gjatë rinisë së tij. E më tej, suksesi shënjohet me romancat, suitat, baladat e vepra të mëdha simfonike. Çdo vepër e Simon Gjonit ka një histori.

Mes artistëve të përzgjedhur për ti dhënë zë romancave të tij vokale, e këngëve përgjatë një jete, Inva Mula këngën “Shoqe kemi hanën” e cilëson si ‘Rusalkën’ shqiptare për hënën.

Ajo rikthen edhe “Premtimin” e Gjonit, që  e ka performuar tri dekada më parë me të motrën Adelinën...

Një pikat kulminante të mbrëmjes shënohet me “Bjeshkëzo”. Simon Gjoni, tri dekada pas ndarjes nga jeta, me këngën e tij, ‘bën bashkë’ nënë e bijë soprano, Nina dhe Inva Mulën.

I ka 'kënduar' ndjenjave më të bukura Simon Gjoni.

Vepra e tij si fllad artistik, shpërndau në gjithë Shqipërinë, meloditë e vendlindjes Shkodrës, që kumbojnë dhe në këtë koncert jubilar...

Pas kësaj ngjarje të veçantë muzikore, që bëri bashkë personalitete të vendit, e dashamirës të muzikës së Gjonit, qëndron familja e tij. Hermira si koncertmaestro e bashkëshorte e muzikantit, dhe Andis Gjoni, që i bënë homazh dashurisë së prindërve me ‘Pashë sytë e tu si drita’...

Në fund të koncertit, kënga hit ‘Luleborë’ ngjiti në skenë të gjithë artistët...

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

48-vjeçari ekzekutohet në Kamzë, dyshohet se u nxor në pritë! Vëllai i Lulzim Vishës vrau në prill të 1997 (EMRAT)

48-vjeçari ekzekutohet në Kamzë, dyshohet se u nxor në pritë! Vëllai i Lulzim Vishës vrau në prill të 1997 (EMRAT)

24 Janar, 10:17