Ministrja e Shtetit për Standardet dhe Shërbimet, Milva Ekonomi dhe ministrja e Shtetit për Mbrojtjen e Sipërmarrjes Edona Bilali bënë bilancin e vitit që lamë pas dhe prezantuan objektivat për vitin 2023.
Në vitin 2023, objektiv i Ministrisë së Shtetit për Sipërmarrjen është përfshirja në nivelet më të larta të vendimmarrjes të shoqatave të biznesit dhe miratimi i ligjit të ri për Dhomat e Tregtisë dhe Industrisë. Në vitin 2022 u bë draftimi i ligjit si dhe pati rritje të nivelit të bashkëpunimit mes qeverisë me dhomat e shoqatave të biznesit.
“Sot funksionon Dhoma e Tregtisë si shoqatat e biznesit. Kanalet e komunikimit midis bizneseve drejt qeverisë janë nga më të ndryshmet ku ankesat trajtohen në një kanal të dedikuar siç është bashkëqeverisja por ka shumë tematika për përmirësimin e klimës, mënyrën e të bërit biznes që nevojiten të paraqiten në tavolinën e të bërit biznes. Në 2023 do të riaktivizojmë një strukturë e cila ul pjesën më të lartë të qeverisë, kryeministrin dhe ministra të liinjës dhe nga ana tjetër përfaqësues të bizneseve sipas sektorëve apo shteteve”, tha Bilali.
Për startup-et përmes të cilave kompani apo individë të cilët hedhin në treg ide të reja inovatore, ministrja Bilali tha se ende nuk e kanë një rezultat të statistikave por përmend 3 histori suksesi, makineria Inoteca, aplikacioni POK dhe shitja online e pjesëve të këmbimit përmes LEKO. Panairi i parë rajonal i industrisë automotive në Shqipëri që nuk operon vetëm në vendin tonë ishte një ndër arritjet e vitit 2022. Këtë vit do të ketë një edicion të dytë për të zgjeruar ofertën e kompanive ekzistuese.
Për ministrinë e Shtetit për Standardet dhe Shërbimet, prioritetet e 2023 do të jenë hartimi dhe miratimi i akteve nënligjore të standardeve minimale digjitale, trajnimi për pikat fokale për Open Government Partnership në bashkëpunim me sekretariatin, ndjekja e Good Fovernance me fokus kërkesat për disbursim, ndjekja e botimeve të Instat, certifikimi i agjensive kryesore shërbim ofruese me ISO 9001 dhe analiza e raporteve të mbledhura nga DAP.
Ministrja e Shtetit për Standardet dhe Shërbimet, Milva Ekonomi përmend fiskalizimin si një nga sukseset e vitit 2022 që ishte 100% te biznesi i madh dhe 93% tek i vogli. Po ashtu thotë se është bërë revolucion me cilësinë e shërbimeve online.
Ekonomi përmendi edhe prioritet e 2023 duke nisur nga cilësia e shërbimeve deri te performanca e nëpunësve civilë dhe shqyrtimi i raporteve të INSTAT.
“Viti 2023 do të na vërë në punë që cilësia e shërbimeve online të jetë në përmirësim. Nisma e qeverisë nuk është vetëm për shërbimet qendrore por edhe vendore. Është e rëndësishme që të hafrtojmë një listë të unifikuar për standardet e shërbimeve. Sa i takon Open Government Partnership, është e rëndësishme të thërrasim opinionet e shoqërisë civile në hartimin e këtij plani. Situata tjetër e rëndësishme është që të kemi institucione të mira që të bëjnë punët. Vendosja e praktikave operacionale është shumë e rëndësishme se është sfidë e madhe pasi përmirëson jetën e brendshme të çdo administrate ndaj po bashkëpunojmë me UNDP. Performanca e nëpunësve civilë është një tjetër detyrë e 2023. Performanca e individit nuk lidhet me ate te institucionit. Do të vijojë ndjekja e botimeve të INSTAT si dhe certifikimi i agjensive kryesore shërbim ofruese me ISO 9001”, tha Ekonomi.
Ministrja Edona Bilali rendit 3 histori suksesi me startup-et.
“Dua ta nis me bujqësinë. Kemi mbështetur një individ me biznes të regjistruar që ka prodhuar një makineri që deri dje importohej dhe i shërben fermerëve. Pajisja është e certifikuar sipas standardeve të BE-së dhe brenda 10 ditëve të ardhshme do të eksportohet jashtë vendit se është kërkuar.
Dua të vecoj rastin e aplikacionit POK, pagesë me 0 komision. Është aktualisht funksional në Shqipëri dhe sot cdo qytetar paguan dritat, ujin, internetin përmes këtij aplikacioni.
Rasti i tretë është LEKO i jep vlerë automjeteve duke i shitur pjesët e këmbimit online brenda dhe jashtë Shqipërisë. Eksporti i këtyre pjesëve ka nisur dhe është rast suksesi”, tha Bilali.
Ministrja e Shtetit për Sipërmarrjen, Edona Bilali ka cilësuar çelës suksesi grantet e start up-eve dhe pasaportat që lëshohen. Teksa tregoi shifrat e përfituesve, tregoi se sektori më përfitues rezulton të jetë teknologjia e informacionit dhe komunikimit me 35%. Vend të rëndësishëm zë edhe artizanati, bujqësia, turizmi dhe aviacioni civil me 13.6%.
“Çelësi i parë i suksesit është pasaporta e start up-it. Çfarë të mirash sjell dhe çfarë vlere ka? Janë gjeneruar në total 1299 pasaporta ndërkohë që gjatë shërbimit të dhënies së konsulencës, e cila ishte falas dhe u bë përmes një sistemi online, kemi asistuar aplikantë për thirrjen e parë që kishte buxhet të dedikuar prej 300 milionë lekësh për 29 start-up. Kategoritë që kanë përfituar nga thirrja e parë janë bashkitë, 7 prej tyre janë mbështetur në thirrjen e parë.
Kemi një shifër për të cilën jemi krenarë, 38% të kthyer nga emigrimi. Mosha mesatare e përfituesve të thirrjes së parë është 34 vjec. Globalisht mosha mesatare e start-up-eve është 34 vjec. Literatura njeh 5 faza, ne njohim 3 faza. Sa i përket shpërndarjes në 3 faza që i njohim ku një subjekt nuk është i regjistruar, kemi 10% të përfituesve. Në fazën e rritjes dhe në fazën e zgjerimit kemi numrin më të lartë të përfituesve”, tha Bilali.
Komente
Lajme të tjera
-
Vendimi i Qeverisë/ Zgjatet afati për shqyrtimin e kërkesave të Startup-eve, nga 10 bëhet 30 ditë!
20 Nëntor, 22:40 -
Sipërmarrësit bashkohen në 'Tirana Slush’D' për të transformuar ekosistemin e startup-eve, Veliaj: Liria për të krijuar dhe guxuar, themeli i suksesit
26 Tetor, 10:27 -
DOKUMENTI- Grupi i PD kallëzon në SPAK 74 deputetët e PS, listën e prin Edi Rama: Penguan ekzekutimin e 2 vendimeve të Kushtetueses për mandatin e Xhaçkës
2 Tetor, 11:05 -
Milva Ekonomi në Report Tv: Vendosja në lista të pasigurta, sfidë personale! E kemi provuar! Opozita do reflektojë dhe do i bashkohet 'Dezinformimit' dhe 'Antikorrupsionit'
16 Shtator, 13:31 -
Hetimori i PPP-ve në Shëndetësi, sërish sherr procedural! Opozita akuzon për presion, PS bojkoton! Audituesi i KLSH:192 mln lekë dëm buxhetit
13 Qershor, 11:22 -
Fondi prej 300 milionë lekësh/ Rekord aplikimesh në Grant 2024, ministrja Ibrahimaj: 539 kërkesa për financim u paraqitën nga startup-et
1 Prill, 21:15 -
Dhëndri i Trump resorte në Sazan, deputetja e PS: Projekti në fazë vlerësimi, imazh i mirë për Shqipërinë
19 Mars, 14:12 -
Credins bank lançon produktin risi kredia Start-UP! Alternativa më e mirë për gratë sipërmarrëse!
7 Mars, 12:00 -
Hapet thirrja për start up-et, Ibrahimaj: Financim deri në 9 mln lekë për idetë më të mira! Ja hapat që duhet të ndiqni
17 Shkurt, 12:39 -
Grant për Start up-et, kriteret kush mund të aplikojë, deri te shpallja e përfituesve
9 Shkurt, 08:00 -
Pse Kultura me Ekonominë?
9 Janar, 13:33
-
Pr.buxheti 2024, deputetja e PS: Opozita të debatonte në komisione, gati të shqyrtojmë propozimet e PD
17 Nëntor 2023, 14:25
Kush ja u mat performancen ketyre
Përgjigju