POP 5

Lajmet më të lexuara të 5 minutave të fundit

Arkiva

Siri, 2 italiane peng i ISIS: Qeveria
përgjegjëse për ne, mund të vritemi

Në rrjetet sociale qarkullon një video në të cilën shfaqen dy vajzat të ulura dhe veshur me ferexhe të zezë, njëra prej të cilave thotë se janë në rrezik për t’u vrarë ndërsa vajza tjetër mban një fletë në të cilën shkruhet: 17 dhjetor 2014, që me shumë gjasë është data kur është regjistruar video. VIDEO
Dy shtetase italiane, Greta Ramelli dhe Vanessa Marzullo janë marrë peng nga ekstremistët islamikë në Siri. Në rrjetet sociale qarkullon një video në të cilën shfaqen dy vajzat të ulura dhe veshur me ferexhe të zezë, njëra prej të cilave thotë se janë në rrezik për t’u vrarë ndërsa vajza tjetër mban një fletë në të cilën shkruhet: 17 dhjetor 2014, që me shumë gjasë është data kur është regjistruar video.
 
“Lusim qeverinë tonë dhe ndërmjetësit e saj të na çojnë në shtëpi para Krishtlindjeve. Ne jemi në rrezik ekstrem dhe mund të vritemi. Qeveria dhe ndërmjetësit e saj janë përgjegjës për jetën tonë”, thotë njëra nga vazjat.
 
italianet peng nga isis

Linku i videos është postuar fillimisht nga një gazetar arab në rrjetin social Twitter, ndërsa pamjet janë vërtetuar nga burimet e Inteligjencës italiane, ndonëse ka dyshime mbi datën e regjistrimit.

Salvatore Marzullo, i ati i Vanessa thotë se ndihet i kënaqur që ka parë të bijën duke u shprehur optimist për lirimin e saj. “Kemi parë ato imazhe pas shumë muajsh. Ato duket se janë mjaft mirë edhe pse ne jemi në gjendje të vështirë”, tha ai.

Në muajin gusht, Ministria e Jashtme italiane bëri të ditur se dy punonjëse të ndihmës italiane janë rrëmbyer në Siri, por pa dhënë emrat e tyre apo destinacionin.
 
Vajzat thuhet të jenë rrëmbyer nga grupi ekstremist i lidhur me Al Kaedën, Fronti Nusra. Ky grup dhe ai i ISIS kanë disa pengje në Siri, e cila është zhytur në një luftë civile 3-vjeçare. Militantët e ISIS dhe kanë ekzekutuar disa pengje, përfshirë disa punëtorë dhe gazetarë gjatë vitit 2014. Ndërsa Fronti Nusra, i cili është deklaruar edhe më herët që mbështet ISIS ka liruar vitin e kaluar disa pengje, përfshirë një grup murgeshash ortodokse greke dhe një shkrimtar amerikan.
 
Një grup që ka monitoruar luftën në Siri tha se gjatë 2014-ës kanë humbur jetën 76 mijë persona, gjysma e tyre civilë. Ndërsa Kombet e Bashkuara në gusht të vitit që shkoi përllogaritën rreth 191 mijë persona të vdekur që nga fillimi i konfliktit, ndonëse aktivistët thonë se shifra reale me shumë gjasë është më e lartë.

Redaksia Online
(Shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mijëra njerëz protestojnë kundër konventës së partisë së ekstremit të djathtë në Gjermani

Mijëra njerëz protestojnë kundër konventës së partisë së ekstremit të djathtë në Gjermani

11 Janar, 18:40