Fushata ajrore kundër Shtetit Islamik në Siri e udhëhequr nga Shtetet e Bashkuara, deri më tani ka vrarë 1 mijë e 600 persona, kryesisht xhihadistë.

Vrasjet janë kryer në një periudhë kohore prej 5 muajsh kur edhe kanë nisur sulmet ajrore ndaj grupeve terroriste të Shtetit Islamik.

Observatori sirian për të drejtat e njeriut me bazë në Londër ka njoftuar sot se gati të gjithë të vrarët janë militantë të IS-it apo të Frontit Al-Nusra.

Përveç vrasjeve të xhihadistëve, observatori ka dokumentuar edhe 62 vrasje të civilëve gjatë këtyre sulmeve.

Redaksia online
(f.m/shqiptarja.com)