Nëse qeveria do të kishte arritur të miratonte koncesionin e TVSH-së, i planifikuar në fillim të këtij viti, koncesionari për 6 muajt e parë të vitit do të kishte marrë një pjesë të konsiderueshme të të ardhurave të rritura, mbi 11%, që llogaritet se do arrinte në rreth 940 milionë lekë- 7 milionë euro apo rreth 67% të gjithë shtesës së të ardhurave mbi 11%

Sipas një studimi të revistës “Monitor”, Tatimi mbi Vlerën e Shtuar nga qarkullimi i brëndshëm pa një rritje të vrullshme këtë gjashtëmujor me 18.9 për qind më shumë se e njëjta periudhë e një viti më parë. TVSH-ja bruto arriti në 21 miliardë leke në janar qershor 2016 nga rreth 17.7 miliardë që ishin arkëtuar në gjashtëmujorin e parë të 2015.