Nga sot ka nisur aplikimi i kufizimeve të reja anti-COVID në Itali.

Ministri i shëndetësisë Roberto Speranza nënshkroi të shtunën katër urdhëresat e reja që ndajnë vendin në tre rajone, për nga rreziku që mbartin për shkak të shifrave të COVID.

Një nga urdhrat vendos Lombardinë në zonën e kuqe. Masat do të jenë efektive nga sot deri më 31 janar.

Rajonet e tjera në zonën “e kuqe” janë; Lombardia (deri ne 31 janar), Siçilia dhe Bolzano, ndërkohë që 9 të tjera në atë “portokalli”: Abruzzo, Friuli Venezia Giulia, Lazio, Liguria, Marche, Piemonte, Pulia, Umbria dhe Valle d’Aosta.

Ndërkohë që zonat e tjera të Italisë përfshihen në zonën ‘e verdhë’. Situata shqetësuese në Itali vjen jo vetëm prej shifrave të larta të COVID por edhe prej varianteve të reja të virusit.