Situata e pandemisë, bashkia e Tiranës shtyn deri më 17 maj afatin e aplikimit për kredi të butë

Situata e pandemisë, bashkia e Tiranës shtyn deri më 17 maj afatin e aplikimit për kredi të butë

Këshilli Bashkiak i Tiranës ka vendosur që t’u ofrojë më shumë kohë qytetarëve të interesuar për kredi me terma të buta për strehim. Nisur nga vështirësitë për të siguruar dokumentat e kërkuara në kushtet e ndalimit të lëvizjes normale, Bashkia lejon tanimë që të interesuarit të aplikojnë deri në 17 maj. Afati i mëparshëm ka qenë 17 marsi.

Sipas vendimit të mëparshëm, do të jenë 1.000 familje që mund të përfitojnë nga kredia e butë, deri në 3 për qind, ndërkohë që pjesën tjetër të kësteve në bankë e paguan shteti. Aplikimet për këtë vit kanë nisur që më 15 shkurt.

Përparësi në këtë program kanë çiftet e reja, kur mosha totale e dy anëtarëve të familjes nuk i kalon 70 vjetët. Programi i subvencionimit të interesave të kredive është i dedikuar për familje apo individë që nuk disponojnë banesë në pronësi dhe janë në vështirësi financiare; për individë apo familje të minoritetit rom dhe egjiptian, si dhe gra kryefamiljare, ose gra të dhunuara.

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Dasmë në Big Brother, Heidi dhe Romeo do të martohen

Dasmë në Big Brother, Heidi dhe Romeo do të martohen