POP 5

Lajmet më të lexuara të 5 minutave të fundit

Sport

'Situata komplekse, faji edhe i arbitrit me futbollistët polak!' Thoma: Tifozët shqiptarë gabuan, por u provokuan

Incidenti në ndeshjen me Poloninë sipas federatës shqiptare të futbollit ndodhi pas dy orësh provikim nga tifozët polak. Ndërkohë sipas gazetarit dhe komentatorit sportiv Kristo Thoma situata ishte komplekse pasi fajtor nuk ishin vetëm tifozët, por edhe futbollistët me gjyqtarin.

Federata Shqiptare e Futbollit ka reaguar për incidentin në ndeshjen e Kombëtares kundër Polonisë, duke deklaruar se ngjarje të tilla nuk na nderojnë, por thekson se tifozët shqiptarë janë provokuar për më shumë se dy orë nga ata polak. Sipas FSHF tifozët shqiptarë nuk janë të dhunshëm dhe nuk mund të përgjithësohen nga dhjetra persona të papërgjegjshëm.

Sipas FSHF si pasojë po monitorohen me kujdes nga UEFA, pasi në maj është në program finalja e Konference League në Tiranë. Ndërkohë gjatë kësaj kohe emisarë të UEFA-s do jenë në Shqipëri për ndeshje të Superligës.

Për Kristo Thoman, komentator i futbollit dhe posaçërisht i kombëtares, incidenti i krijuar në fushë me shishet e ujit ndodhi për shkak të disa faktorëve.

Kristo Thoma, komentator: “Kjo është situatë komplekse, sepse nuk ishin vetëm disa tifozë që hodhën disa shishe dhe nuk është e lehtë që të gjesh një fajtor të vetëm. Natyrisht që tifozët kanë përgjegjësinë e tyre dhe unë këtë nuk e mohoj. Unë për vetë vazhdoj të jap mesazhe. Kushdo që ka mundësi, kushdo që ka një mik ose shok që shkon në stadium, në raste të tilla absolutisht nuk duhet të prekim fushëm me sende. Pse them situatë komplekse? Sepse pati pak irritim edhe për shkak të sjelles së futbollistëve polak që provokuan tifozët tanë, edhe për shkak të gjyqtarit në menaxhimin e lojës sepse një gjyqtar i mirë nuk duhet vetëm të respektojë rregulloren, por është një njeri që duhet të kuptojë se si shkojnë situatat.”

Pavarësisht se e dënon dhunën e tifozëve shqiptar Thoma thotë se edhe tifozët miq nuk bënë më pak.

Kristo Thoma, komentator: “Tifozët polak njihen dhe dihen që janë problematik. Për këtë arsye do duhej pak më shumë kujdes ndaj tyre. Ata kanë hedhur sende në drejtim të tifozëve tanë. Në transmetim të drejtpërdrejtë kolegu që ishte poshtë tribunës së polakëve ka vënë re edhe hedhje stolash jo më sendesh të tjera në drejtim të tifozëve tanë.”

Nga incidenti në fushën e gjelbër FSHF rrezikon dënimin me gjoba por edhe mbylljen e fushës për kombëtaren me disa ndeshje.

 

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tifozi Kuqezi: 15/10/2021 12:22

    Skenderbeu u perjashtua 10 vjet sepse trukoi ndeshje kurse keta jo vetem prishen imazhin e ndeshjes po te mbare kombit shqiptar dhe kur atehere kur duam te behemi pjese e Bashkimit Europian.

    Përgjigju
  • Alba: 15/10/2021 03:24

    Tifozet shqiptare e dinin se hedhja e sendeve ne fushe penalizon Shqiperine e megjithate e bene .Te kendosh:o sa mire me kene shqiptar e pastaj te besh veprime te cilat rrezikojne ndeshkimin e Shqiperise eshte idiotesi e papergjegjshme .Kete ta mbajme .Projektimi i stadiumit me ndenjtese aq afer fushes si me qene per shfaqje opere e jo ndeshje futbolli ku mblidhen lloj lloj huliganesh eshte nje tjeter idiotesi $80 milione dollaresh te vajtura dem .

    Përgjigju
  • Beni: 14/10/2021 22:19

    Tifozet Shqipetare nuk jane njofur per probleme ne stadiume,kurse tifozat polak qe rrine gjithe diten tape jane denuar shume here per racizem dhe huluganizem,keshtu qe do pare biografia dhe te nxirren dhe ata qe e provokuan situaten

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Egnatia pranë historisë, Edlir Tetova: Duam trofeun

Egnatia pranë historisë, Edlir Tetova: Duam trofeun

26 Dhjetor, 10:18