Parandalimi i ngjarjeve kriminale, Ardi Veliu paralajmëron krerët e policisë së qarqeve dhe shefat e komisariateve: Të rritet efikasiteti ose largoheni nga detyra

Parandalimi i ngjarjeve kriminale, Ardi Veliu paralajmëron krerët e policisë së qarqeve dhe shefat e komisariateve: Të rritet efikasiteti ose largoheni nga detyra

Kreu i Policisë së Shtetit, Ardi Veliu gjatë takimit me krerët e policisë së qarqeve dhe shefat e komisariateve

Kreu i Policisë së Shtetit, Ardi Veliu, ka paralajmëruar sot të gjithë drejtuesit e Policisë në vend që të rrisin efikasitetin e strukturave në parandalimin e ngjarjeve kriminale, ose në të kundërt do të largohen nga detyra.

Ai mblodhi sot në Drejtorinë e Përgjithshme të Policisë, krerët e policisë së qarqeve dhe shefat e komisariateve ku kërkoi prerazi reagim të menjëhershëm të strukturave policore edhe për kapjen e personave që qarkullojnë me armë zjarri, që tentojnë të kultivojnë apo trafikojnë lëndë narkotike dhe atyre që kryejë ndërtime pa leje apo krime të tjera mjedisore.

"Qëndrimi i mëtejshëm në detyrë i secilit prej drejtuesve të strukturave vendore do varet nga reagimi i strukturave që keni në menaxhim, nga rezultati i parandalimit të veprimtarisë kriminale në cilëndo fushë që ajo do shfaqet”, ka thënë Veliu mes të tjerash.

Paralajmërimi i Veliut vjen pas regjistrimit të një numri të lartë vrasjes në vend, 9 viktima në 9 ditë. 

Rendit zhvillimet sipas orarit:
Ora 14:23
Takimi me krerët e policisë së qarqeve dhe shefat e komisariateve, Ardi Veliu i prerë: Të rritet efikasiteti për parandalimin e krimeve, ose largoheni nga detyra

I prerë është treguar kreu i Policisë së Shtetit, Ardi Veliu me krerët e policisë së qarqeve dhe shefat e komisariateve, ku ka kërkuar reagim të menjëhershëm të strukturave policore, me qëllim parandalimin e ngjarjeve kriminale, ose në të kundërt do të largohen nga posti që mbajnë.

Paralajmërimi i Veliut vjen pas regjistrimit të një numri të lartë vrasjesh në vend, 9 viktima në 9 ditë.

Po ashtu kreu i Policisë së Shtetit ka kërkuar rritje t ëreagimit të policisë edhe për kapjen e personave që qarkullojnë me armë zjarri, që tentojnë të kultivojnë apo trafikojnë lëndë narkotike dhe atyre që kryejë ndërtime pa leje apo krime të tjera mjedisore.

"Të rritet efikasiteti i veprimeve për parandalimin e kultivimit të kanabisit në territor, duke bashkëpunuar me të gjithë aktorët dhe faktorët që ligji i ngarkon me përgjegjësi dhe të ushtrohet kontroll i përditshëm i territorit duke përdorur dronët, si dhe duke marrë të dhënat nga monitorimi ajror i GdF-së.  

Strukturat e Policisë në të gjithë vendin, por sidomos në zonat bregdetare, zonat urbane dhe ato të mbrojtura, të veprojnë me tolerancë zero ndaj ndërtimeve pa leje duke proceduar me arrestimin e atyre që kryejnë këto ndërtime.  

Qëndrimi i mëtejshëm në detyrë i secilit prej drejtuesve të strukturave vendore do varet nga reagimi i strukturave që keni në menaxhim, nga rezultati i parandalimit të veprimtarisë kriminale në cilëndo fushë që ajo do shfaqet”, ka thënë Ardi Veliu.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet