Situata me fruthin, ISHP:
Arrin në 45 numri i të prekurve 

Virozat e fruthit gjatë janarit të 2018-s kanë qenë të pranishme në Shqipëri, duke shkaktuar probleme shëndetësore sidomos tek fëmijët, të cilët kanë mbushur shtretërit e pediatrisë. Burime të Report Televizion nga Instituti i Shëndetit Publik bën me dije se numri i të prekurve deri tani ka arritur në 45.

Të njëjtat burime sqarojnë se shumica e të prekurve janë fëmijë të moshës nën 1-vjeç. Sa i takon frikës së prindërve se vaksinat kundër fruthit mund të kenë efekte të rrezikshme anësore, mjeket e mohojnë kategorikisht një gjë të tillë, duke thënë se vaksinimi është e vetmja rrugë për të parandaluar fruthit dhe përhapjen e tij në komunitet.

Në stinë  e dimrit dhe të pranverës, fëmijët janë më të predispozuar për t’u prekur nga fruthi. Specialistët e Institutit të Shëndetit këshillojnë që të eliminohen ambientet e mbyllura.

 

d.b/shqiptarja.com

TAG:
• fruthi