Situata në Kosovë, ambasadori Hovenier: SHBA të shqetësuara! S'janë krijuar kushtet që të mbahen zgjedhjet në veri

Ambasadori amerikan Jeff Hovenier ka reaguar pas situatës së krijuar në veri të vendit duke thënë se aktualisht nuk ka kushte për mbajtjen e zgjedhjeve në veri të vendit.

“Shtetet e Bashkuara janë të shqetësuara se nuk janë krijuar kushtet për momentin që zgjedhjet të mbahen në fund të këtij muaji në veri të Kosovës. Siguria e të gjithë qytetarëve të Kosovës duhet të jetë prioriteti më i lartë. Ne kërkojmë që të gjithë ata që janë të përfshirë të tregojnë vetëpërmbajtje.

LEXO EDHE:
Serbët bojkotojnë zgjedhjet, shqiptarët mbeten në krye të komunave në veri të Kosovës! Osmani: Vuçiç shkeli fjalën që u dha ndërkombëtarëve

Shtetet e Bashkuara dënojnë ata që ushtruan dhunë gjatë incidenteve të djeshme në veri të Kosovës. Përdorimi i dhunës dhe i frikësimit, duke përfshirë përdorimin e mjeteve shpërthyese, si dhe rrezikimin e jetëve, nuk është kurrë një metodë e përshtatshme proteste, në asnjë rrethanë”, shkroi Hovenier në Twitter.

Lajmi kryesor:

Shpërthimet në veri të Kosovës, grupet serbe përdorën granata dore të prodhimit jugosllav! SHBA: S'janë krijuar kushtet për zgjedhje

A.M./Shqiptarja.com

TAG:
• kosova
• reciprociteti i targave
• tensione ne veri te kosoves