Situata në veri të Kosovës, analisti Vangjeli: Jopatriotike çdo tentativë për të ngrohur duart në Tiranë nga zjarri në veri! Harrohet siguria, detaji që e kujtuan raketat në Kiev

Analisti Lorenc Vangjeli ka analizuar situatën në veri të Kosovës dhe deklaratat që vijnë nga Shqipëria duke e cilësuar jo patriotike “çdo tentativë për të ngrohur duart në Tiranë nga zjarri në veri”.

Në emisionin ‘Kontrast’ në Report Tv, Vangjeli thotë se është shumë e rëndësishme siguria që ndikon në sigurinë e vendit.

“Kur filloi lufta në Ukrainë, kemi debatuar për një detaj, qoftë në Tiranë, Prishtinë apo dhe në Beograd e grekët, ankesa është kryefjalë e gjithkujt. Të gjithë ankohen. Ankohen për standardet, për bukën, për ujin dhe harrohet detaji që duheshin raketat e Putinit me Kiev për t’u kujtuar. Është siguria që është ajo lloj statuquo-je të cilën edhe në Ballkan e konsiderojmë si të mirëqenë. 

LEXO EDHE:
I dërguari i Gjermanisë për Ballkanin Perëndimor: Të vazhdohen hapat për krijimin e Asociacionit

Sa kohë mbushen kallashnikovët e lëshohen raketat, harron e të duken të gjitha anësore sa kohë ngrihet si element kryesor kërcënimi ndaj rendit e sigurisë. Ka pasur shumë reaksion qoftë në Prishtinë qoftë në Tiranë për veprimet e Kurtit.

Është fakt që Kurtin për shkak të qëndrimeve të tij e shoqërojnë në Tiranë partizanët dhe kundërshtarët e tij. Askush nuk duhet të besojë që pavarësisht se është e dukshme se s’kemi heronj, s’kemi as tradhtarë. Problem është që edhe një element kaq i rëndësishëm si siguria shndërrohet në mjet dhe element që ndikon në sigurinë e vendit”, tha Lorenc Vangjeli.

A.M./KT/Shqiptarja.com

TAG:
• kontrast
• tensione ne veri te kosoves
• lorenc vangjeli