Korçarët fituan ndeshjen më të fortë të së shtunës ndaj Flamurtarit me shifrat 2-0 duke shënuar nga një gol për çdo pjesë.
Skuadra e trajnerit Daja formën e mirë të shfaqur në Europë e vijon edhe në kampionat duke dominuar vlonjatët.
Në Korçë ndeshja zhbllokohet shumë shpejt. Sulmuesi Ali Soue fiton një penallti që në minutën e parë të cilën e kthen në gol mjaft mirë mesfushori Sabien Lilaj.
Rezultatin e dyfishon në pjesën e dytë Gjergji Muzaka që tund rrjetën tre minuta pasi ishte futur në fushë.
Në Durrës është zhvilluar një ndeshje emocionuese mes Teutës dhe Luftëtarit ku “djemtë e detit” fituan 2-1.
Të dielën luhen dy sfidat e fundit të javës së parë Lushnja-Vllaznia dhe Partizani-Laçi.
dy.b/shqiptarja.com