POP 5

Lajmet më të lexuara të 5 minutave të fundit

Sport

S’ka më shpresa për Kosovën, por merr një pikë në Zvicër! Sfida e parafundit, ‘dardanët’ barazojnë 1-1 ndaj helvetëve! Holanda siguron matematikisht kualifikimin në 'Euro 2024'

Pritej një fitore e lehtë e Zvicrës por nuk ndodhi kështu. “Dardanët” e Kosovës kanë arritur t’i rrëmbejnë 1 pikë helvetëve në përballjen e mbrëmjes së kësaj të shtune. Megjithatë Kosova nuk ka më shpresa për kualifikim pas fitores së Rumanisë ndaj Izraelit. Mbrëmë siguroi kualifikimin edhe Holanda.

Një barazim në Zvicër ishte i pamjaftueshëm për përfaqësuesen e Kosovës në futboll për të shpresuar për një kualifikim në EURO 2024/

Ishte Zvicra ajo që diktoi ritmin në fraksionin hapës, megjithatë pjesa e parë u mbyll me porta të paprekura.

U desh minuta e 47’, ku pas një asisti nga Zakaria, Vargas gjeti rrugën drejt rrjetës dhe i dhuroi avantazhin Zvicrës. Pas këtij momenti Kosova u shfaq më kërkuese dhe ia doli që të gjente barazimin në minutën e 82’, me Hysenin që realizoi pas një super asistit të dhuruar nga Vojvoda.

Zvicra kështu siguron matematikisht Evropianin dhe renditet në vendin e dytë të Grupit I me 17 pikë aktualisht, ndërsa nga ana tjetër shuhet ëndrra e Kosovës për kualifikim, duke u renditur momentalisht në vend të katërt me 11 pikë.

Ndërkohë edhe Rumania siguroi kualifikimin pas fitores 1-2 ndaj Izraelit, duke kryesuar Grupin I me 19 pikë, ndërsa izraelitët renditen aktualisht  në vend të tretë me 12 pikë.

Nga sfidat e mbrëmjes të të shtunës, Holanda ishte ekipi më i madh që siguroi matematikisht finalet e Evropianit “Gjermani 2024”. “Tulipanët” mposhtën 1-0 Irlandën në “Johan Cruijff Arena” të Amsterdamit.

M.Q./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Jeni dakord që në Shqipëri të ndalohet përdorimi i euros për pagesa?

Lajme të tjera



×

Lajmi i fundit

Lufta në Ukrainë/ Raketa ruse godet parkun e lojërave, 3 të vdekur, 5 të plagosur

Lufta në Ukrainë/ Raketa ruse godet parkun e lojërave, 3 të vdekur, 5 të plagosur

19 Korrik, 21:21