Kur ka reshje shiu dhe dëbore, banorët e “Lagjes së Re” në qytetin e Kukësit jetojnë mes gropave me ujë, baltës apo akullit.
Të gjitha rrugët e brendshme bëhen të pakalueshme, jo vetëm për makinat por edhe për banorët të cilët thonë se u duhet të veshin çizmet për të lëvizur ndërsa kjo situatë është prej vitesh, por askush nuk ka ndërhyrë aty.

“Duhet me marr çizme me kalu këtu! Është katastrofë! Ne kërkojmë nga qeveria e bashkia të asfaltojnë rrugët. Habitem se si në 30 vite demokraci nuk e kanë shtruar. Ne sikur s’jemi të këtij shteti. S’ka si e bën Allahu më keq! Me fëmijë në krah, këtu nuk kalohet”, thanë banorët.
Më të vështirë e kanë fëmijët e shkollave dhe kopshteve që kalojnë aty çdo ditë të cilët gjyshërit apo prindërit ju duhet ti mbajën në shpinë.
“Unë jam në klasë të 7-të dhe çdo ditë shkojmë në shkollë mes baltës”, tha ajo.
Reoprt Tv pyeti në Bashkinë e Kukësit, e cila tha se ky bllok banimi është pjesë e projekteve dhe do të rehabilitohet përgjatë këtij viti.
R.D/r.k./Shqiptarja.comKomente


Hajdutët e kan traditën e vjetër,për tgrabitur janë tparët,për me dhan kontribut si gjithmon jan tmramët
Përgjigju