Skandal, Torra Veneciane në
Durrës goditet me lopata e kazma

DURRËS-Në nëntokën rreth Torrës Veneciane në Durrës prej një jave kanë nisur gërmimet në zonën e arkeologjike. Punimet po bëhen për ndërtimin e një strukture në forme vele nga Bashkia.
 
Prej ditësh specialistët e arkeologjisë kanë ngritur zërin për cënimin që mund t’u bëhej artefakeve arkeologjike. Ndërsa gëmimet e mëtejshme e kanë bërë më të prekshme problemin. Aty ku punohet duken qartë muret e lashtë dhe një top Venecian i shkekullit XV.  
 
Studiuesi i arkeologjisë Moikom Zeqo apelon sesi ka mundesi që të mos ndërpriten punimet që duan ta betonizojnë këtë fragment të Qytetërimit Mesjetar Durrësit.
 
Zeqo ndërsa ka publikuar fotot dramtike nga vendngjraje me artefaktet arkeologjike të zbuluara nga këto gërmime të rëndomta e konsideron një krim të rëndë.
 
“Ky është një krim, madje shtetëror ndaj arkeologjisë dhe Durrësit nëntoka e të cilit është e shpallur me ligj si pasuri arkeologjike kombëtare po edhe ndërkombëtare. Pse heshtin arkeologët dhe specialistët? Turp? Ç’menduri e pashembullt!”, shkruan Zeqo. 

Ndërkohë Report TV e Shqiptarja.com kanë shkuar në vendngjarje për të ndjekur situatën, duke marrë edhe një reagim nga zyra e monumenteve të kulturës. Nga ky institucion është thënë se do të shkojme të inspektojmë punimet, dhe pasi të verifikojmë situatën do të vendosim nëse duhet marrë apo jo një vendim për ndërprerjen e punimeve. 

Arkeologët me furça, punëtorët godasin me kazma e lopata
Por ndërsa po hezitohet të merren masa për ndalimin e gërmimeve, dëmi shtohet sepse punëtorët po godasin objekte arkeologjike me lopate, kazma e mjete te tjera. Dihet nga te gjithë se kur zbulohet një objekt, arkeologet dhe specialistet e heqin dheun me furçe, ndërsa punëtoret e ndërtimit siç shihet qarte po shkundin lopatën me balte duke e përplasur ne objektet arkeologjike.

[gallery]20963[/gallery]





Redaksia Online
(B.K/Shqiptarja.com)