Pas mospagimit të taksave del në pah një tjetër skandal që lidhet me rafinerinë e përpunimit të naftës ARMO. Report TV disponon të dhënat ku janë listuar borxhet që kjo kompani i ka OSHEE për mospagim të energjisë elektrike. Borxhi kam vlerën e mbi 22 miliardë lekëve. Burime nga OSHEE pohojnë se detyrimet e papaguara janë rritur 3 vitet e fundit. Këtij borxhi i shtohet edhe kamatvonesat 7 vjeçare.

Nga të dhënat e OSHEE mësohet se gjatë vitin 2017, kur rafineria u vu nën menaxhimin e kompanisë amerikane IRTC, nuk janë paguar mbi 3 milionë dollarë energji elektrike. Borxhi lidhet me kontratat për furnizimin me energji të pompave të ujit brenda nënstacionit në Ballsh, që furnizojnë me ujë rafinerinë.

Borxhi ndaj OSHEE është një pjesë e vogël e borxheve të kompanisë ARMO. Ndër vite kjo kompani ka akumuluar rreth 600 milion USB borxhe në dogana, tatime, banka dhe tek furnitorët. Kjo është një shifër rekord borxhesh nga një kompani në historinë post komuniste të Shqipërisë.

armo
Borxhet e ARMO-s ndaj OSHEE-se

d.b/shqiptarja.com