Skandali i korrupsionit,FIFA: Blatter
s’ka lidhje, garon për mandatin e 5
Pas tronditjes nga arrestimet, institucioni më i lartë i futbollit botëror, FIFA përmes një deklarate për shtyp ka vrapuar për të mohuar përfshirjen e Presidentit, Blatter, i cili është edhe në prag të zgjedhjeve për mandatin e pestë.
Në FIFA dy ditë nga zgjedhjet presidenciale ka shpërthyer një skandal i madh korrupsioni ku në Zyrih janë arrestuar 7 drejtues të lartë, te cilët akuzohen për pastrim të parave, korrupsion, mashtrim gjatë 20 viteve të fundit dhe vendosje të zhvillimit të Botërorëve si në rastin e Katarit. Disa nga personat e arrestuar janë Jeffrey Ëebb zëvendëspresident i Komitetit Ekzekutiv dhe Presidenti aktual i CONCACAF; Eugenio Figueredo nga Uruguai, gjithashtu zëvendëspresident e deri në vitin 2014 President i CONMEBOL; Jack Ëarner i Trinidad Tobagos, ish-pjesëtar i Komitetit Ekzekutiv dhe President i CONCACAF nga viti 1990 deri në vitin 2011. 7 persona janë arrestuar për llogari të Departamentit të Drejtësisë së SHBA-së. Akuzat ndaj drejtuesve të lartë kanë të bëjnë me garat për të fituar të drejtën e organizimit të Kupave të Botës të viteve 2018 dhe 2022. Presidenti Sepp Blatter është nën hetim por jo i akuzuar drejtpërdrejtë.
“Ky, vetëm fillimi”Pas arrestimeve kanë komunikuar me mediat duke sqaruar më saktësisht shef i FBI, James Comey, shefi i seksionit kriminal Richard Ëeber dhe prokurorja e përgjithshme e SHBA, Loretta Lynch. Departamenti amerikan i shtetet akuzon ish Zv/Presidentin e FIFA-s, Jack Ëarner se i ka kërkuar 10 milionë Dollarë bakshish qeverisë së Afrikës së Jugut, e cila organizoi Kupën e Botës 2010.
“Flasim për njerëz që kanë marrë miliona Dollarë për të organizuar turne në të gjithë botën. Duam që futbolli të mbetet i lirë, por e kanë korruptuar për t’u pasuruar. Janë zbuluar shitjet e të drejtave të turneve te disa firma marketingu që më pas ua rishisnin disa transmetuesve televizivë. Blatter tani për tani nuk është nën akuzë, por ky është vetëm fillimi” deklaroi Loretta Lynch.
FIFA: Jemi të pastërPas tronditjes nga arrestimet, institucioni më i lartë i futbollit botëror, FIFA përmes një deklarate për shtyp ka vrapuar për të mohuar përfshirjen e Presidentit, Blatter, i cili është edhe në prag të zgjedhjeve për mandatin e pestë.
Zëdhënësi Valter De Gregorio deklaroi për mediat se do të bashkëpunojmë me autoritetet amerikane për të pastruar imazhin e FIFA-s. “Blatter do të vihet në dispozicion të hetimeve për të hedhur sa më shumë dritë, pasi nuk është i përfshirë në këtë çështje, prandaj nuk ka arsye për të dhënë dorëheqjen. Blatter është i qetë dhe po vazhdon punën për organizimin e Kongresit. Ne jemi të interesuar që të pastrohet imazhi i institucionit nga të gjitha këto akuza” tha ai.
Blatter: Kohë të vështiraSepp Blatter pranon skandalin e korrupsionit, por deklaron se do të vazhdojë garën për mandatin e pestë radhazi. “I mirëpresim hetimet e autoriteteve amerikane dhe zvicerane, të cilat na ndihmojnë në rrugën që kemi nisur për pastrimin e futbollit. Këto janë kohë të vështirë për futbollin”deklaroi ai.
Kongresi të shtyhetNesër do të zhvillohet në Zvicër Kongresi që do të përcaktojë edhe triumfuesin mes Blatterit dhe Princit Ali të Jordanisë për të qeverisur FIFA-n në 4 vitet e ardhshme. Skandali duket se nuk do të ndalë Blatterin në garë për mandatin e pestë.
Nuk kishte si të mungonte edhe një deklaratë nga Princi Ali pas hetimeve. “Nuk mund ta pranojmë këtë krizë që ka përfshirë FIFA-n, e cila ka nisur prej kohësh”.
Si për ironi të faktit arrestimet erdhën një ditë pas akuzave ta radhës nga Maradona, i cili pas zbulimit të skandalit u shpreh se “Më trajtuan sikur isha çmendur, por FBI zbuloi të vërtetën”. Ndërsa presidenti i UEFA-s, Platini ka kërkuar që të shtyhet zhvillimi i Kongresit për zgjedhjen e Presidentit të FIFA-s pas skandalit.
Në foto: Të arrestuaritd.b/shqiptarja.com
Sondazhi i ditës:
Shqipëria hap negociatat me BE për kapitullin 1, kur do ndodhë integrimi?
-
Brenda 2030
59%
-
Pas 2030
30.5%
-
Nuk e di
10.5%
Vota total: 1688
Votat totale janë unike
Lajme të tjera
-
Në kërkim nga Italia si pjesë e një grupi kriminal që trafikonte drogë, arrestohet 45-vjeçarja në Durrës! Pritet ekstradimi (VIDEO)
13 Tetor, 09:53
-
Vijon puna në aksin Shëngjin-Velipojë, Rama: Investim strategjik në fushën e turizmit
13 Tetor, 09:23
-
'E kreva dënimin si zonjë', Rudina Dembacaj flet për herë të parë mbi falsifikimin: U nxitova dhe e hëngra
13 Tetor, 08:50
-
Pritet hapja e kampit në Gjadër, Rama: Asnjë emigrant s’mund të dalë nga struktura! Ajo që ndodh atje s’na shqetëson, përfshihemi vetëm nëse na e kërkon Italia
13 Tetor, 08:17
-
'Bardhi pa kokërr leku', Sara tregon mes lotësh momentin e vështirë dhe kush i ndihmoi për qiranë
13 Tetor, 07:43
-
Vranësira e temperatura deri në 24 gradë celsius, parashikimi i motit për sot
13 Tetor, 07:42
-
Festa e beqarisë së Dafinës, mikeshat e lënë pa fjalë me surprizën
13 Tetor, 07:28
-
Mundësi të reja në punë dhe në dashuri...çfarë thonë yjet për ju sot
13 Tetor, 07:07
-
Maqedoni e Veriut/ Po mbante një fjalim, ish kryeministri i Skocisë rrëzohet dhe humb jetën
12 Tetor, 22:50
-
Erdogan flet pas vizitës në Tiranë: Miqësi e palëkundur, theksuam vendosmërinë për të luftuar FETO-n
12 Tetor, 22:43
-
'Serbia ka provokuar sërish', Albin Kurti publikon fotot: Ka lëvizur trupat 50 metra afër vijës kufitare
12 Tetor, 22:26
-
Ministria e Jashtme e Kosovës e konfirmon, një shtetas i Kosovës u ndalua nga autoritetet serbe në kufi me Hungarinë! Daçiç: U arrestua një kriminel lufte
12 Tetor, 22:19