POP 5

Lajmet më të lexuara të 5 minutave të fundit

Bota

Skandali i korrupsionit në PE, akuza e avokatit të eurodeputetes greke: Eva Kaili po torturohet në qeli, është e pafajshme

Prej ditësh në qeli, eurodeputetja greke Eva Kaili e akuzuar si e përfshirë në skandalin e korrupsionit në PE me lobim nga Katari, sërish mbrohet nga avokatët me argumentin se ‘është e pafajshme’.

Skandali i korrupsionit në PE, akuza e avokatit të eurodeputetes greke: Eva Kaili po torturohet në qeli, është e pafajshme

Eurodeputetja, Eva Kaili

Prej ditësh në qeli, eurodeputetja greke Eva Kaili e akuzuar si e përfshirë në skandalin e korrupsionit në PE me lobim nga Katari, sërish mbrohet nga avokatët me argumentin se ‘është e pafajshme’. Avokati shprehet gjithashtu se klientja e tij është torturuar për ditë me rradhë nga të burgosurit e tjerë, raporton CorriereDellaSera.

Edhe pse kanë kaluar 40 ditë qëndrimi në burgun e Haremit, avokati grek Dimitra Kopoulos, përsëriti disa herë gjatë seancës se Eva Kaili është e pafajshme.

Në një seancë që zgjati më pak se një orë në Gjykatën e Brukselit, avokati i Kailit është shprehur gjithashtu se të burgosurit e tjerë e kanë torturuar. Sipas tij, atë e kanë penguar të mbulohej, të lahej apo të flinte në qelinë e saj.

Me kolegun e tij André Risopoulos, avokati tha se kishte kërkuar "edhe një herë lirimin e Eva Kailit me masa alternative si byzylyku ​​elektronik apo masa të tjera të ngjashme" duke protestuar për kushtet në të cilat ndodhet eurodeputetja.

"Nga 11 deri Më 13 janar ajo ishte në izolim me urdhër të gjyqtarit hetues Michel Claise. Ajo u mbajt për 16 orë në një qeli policie, jo në burg; në të ftohtë , pasi i refuzuan një batanije të dytë dhe i morën pallton; drita ishte gjithmonë e ndezur, gjë që e pengonte të flinte; Ajo nuk lejohej të lahej edhe pse kishte menstruacione.”- thuhet në deklaratën avokatëve të ish zëvendës Presidentes së PE.

Avokati vijoi në seancë duke shtuar se klientja e tij është duke u trajtuar si në mesjetë.

“Natyrisht, Eva Kaili është nën akuzë: por gjithmonë ekziston një prezumim i pafajësisë . Në fund të fundit, ne jemi në Evropë. Këto sjellje shkelin Konventën Evropiane për të Drejtat e Njeriut, janë torturë dhe na kthejnë në mesjetë. Ju kërkoj t'i bëni publike këto fakte: sepse fakti që ato njihen përfaqëson shpirtin e drejtësisë. Unë vazhdoj të shpresoj se procesi do të jetë i drejtë: sepse ne jemi në Evropë”, vijoi ai.

Vajza e Eva Kailit:

Gjëja që i dhemb më shumë Eva Kailit është distanca prej vetëm 23 muajsh nga e bija. Pasi e pa atë për dy orë më 6 janar në Haren, ajo e ka parë atë vetëm një herë tjetër, tha avokati i tij.

“Në gjashtë javë burg, ajo pati mundësinë të shihte vetëm dy herë vajzën e tij 23 muajshe. Për ne kjo është një thyerje me sensin e shëndoshë” dhe me “masat e duhura në raport me situatën”.­- përfunduan avokatët.

Që prej 9 dhjetorit,  burimet e IT-së të 10 punonjësve të parlamentit janë “ngrirë” për të parandaluar zhdukjen e të dhënave të nevojshme për hetimin. Katër të dyshuarit e arrestuar nga policia belge janë akuzuar për "pjesëmarrje në një organizatë kriminale, pastrim parash dhe korrupsion". Prokurorët në Greqi kanë ngrirë të gjitha pasuritë e ish zëvendës Presidentes së PE-së Kaili. Gjashtë persona u arrestuan si pjesë e hetimit mbi akuzat se Katari korruptoi zyrtarët e BE-së për të fituar ndikim. Dy u liruan më vonë, duke lënë në pranga vetëm 4 zyrtarë të Parlamentit Europian.

G.MO/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46