Skandali i “News of the World”,
akuza të reja për Brooks

Telashet nuk kanë të sosur për ish drejtoren e News of the World Rebekah Brooks. Veshja prej murgeshe nuk e ka ndihmuar atë shumë në seancën e fundit pasi prova të reja kanë dalë në dritë kundër saj dhe bashkëshortit Charlie.

Çifti akuzohet tashmë edhe për fshehje provash dhe prishje të procesit të hetimit. Prova është një cantë e cila mbante brenda një laptop, iphone dhe disa shkresa të cilat u gjetën në një kosh plehrash brenda një makine shumë pranë parkut të shtëpisë së tyre lluksoze që siç raportojnë mediat britanike kap shifrën e 1.5 milion pound.

Znj dhe z. Brooks akuzohen për fshehje provash të ndihmuar edhe nga 5 persona të tjerë. Por nëse gjithë të tjerët kanë një akuzë për të cilën do të japin llogari para drejtësisë mbi ish drejtuesen ekzekutive të News of thë World që u mbyll një vit më parë pas skandalit të përgjimit të telefonave, rëndojnë tre akuza.

Çifti Brooks është njoftuar të martën në mëngjes për këtë akuzë dhe sipas burimeve thuhet se e kanë gjykuar si një vendim të dëshpëruar dhë të padrejtë.

(m.k/shqiptarja.com)