Skandali i Sarandës, Ervin Salianji
'Duam hetim të plotë Zyrave të PS'

Koordinatori i Partisë demokratike, Ervin Salianji ishte sot para zyrës së punës në Sarandë, ku denoncoi edhe njëherë skandalin seksual të ish-aktivistit të PS Agron Cane. Në emër të demokratëve, ai kërkoi drejtësi dhe hetim të plotë në të gjitha zyrat e Partisë Socialiste.
 
“Është një cicërimë që nuk mund të kalohet me një cicërimë në Tëitter. Për ne kjo është një skenë krimi. Ministri i papunësisë, dhe i dramave sociale, i cili është tellall i kryeministrit, nuk mund të dalë dhe të shajë opozitën. Qytetarët i kërkojnë punë, ai u ofron shifra. Qytetarët shkojnë në zyrat e punësimit, këta i kërkojnë para, i kërkojnë favore seksuale. Partia Demokratike kërkon drejtësi të shpejtë për këtë çështje dhe kërkon hetim të plotë në të gjitha zyrat e Partisë Socialiste, të cilat janë kthyer në punishte të favoreve, të oligarkëve në pushtet.” tha Sailianji

Redaksia Online
(e.c/shqiptarja.com)