"Disiplina në UEFA po konsideron të mundshëm një dënim disiplinor të Skënderbeut", shprehet ai. Tashmë Skënderbeu duhet të përgatitet për një tjetër dënim, pasi në raportin e pak muajve më parë u akuzua për trukimin e mbi 50 ndeshjesh në Europë, kampionat dhe në kupë. Skënderbeu u pezullua nga aktivitetet e Champions Leagues për sezonin 2016/2017.
UEFA mori një sinjal të fortë në korrik, duke fituar çështjen kundër Skënderbeut në CAS: një klub mund të dënohet edhe duke pasur thjesht analizat e ecurisë së basteve nëpër kompeticionet ndërkombëtare apo kombëtare në Europë. Më parë, sa herë kishte dënuar klube, UEFA kishte pasur edhe ndonjë dëshmi të fortë, nga ndonjë lojtar apo ndonjë i arrestuar që rrëfente, për të ulur dënimin. Me Skënderbeun nuk ka ndodhur kjo gjë, por dosja e paraqitur në CAS sërish ka mjaftuar që Skënderbeu të konsiderohet fajtor.
Bazuar në rregulloret e UEFA-s dhe precedentët Pobeda, Çelik, etj, nëse Skënderbeu dënohet sërish, rrezikon e pakta 5 vite përjashtim nga kupat e Europës. Kjo është vetëm “maja e ajsbergut”, sepse më pas nëse edhe CAS konfirmon dënimin, atëherë Federata Shqiptare e Futbollit është e detyruar të marrë masa urgjente.
Duhet kujtuar se ekipet e përjashtuar nga UEFA për të paktën 5 vjet, janë zbritur 2-3 kategori më poshtë në shtetet përkatëse. Rasti i Pobedës është identik me atë të Skënderbeut, pasi klubi maqedonas u dënua vetëm dukë marrë për bazë tregun e basteve dhe luhatjet e kuotave.
Takaj i qetë
Pas lajmit të dalë në lidhje me një dënim tjetër të mundshëm për Skënderbeun, presidenti Takaj është shprehur se kjo çështje është mbyllur njëherë. Numri një i korçarëve në një intervistë për Super Sport është dukur i qetë teksa u shpreh se Skënderbeu është klubi i parë në botë që dënohet në bazë të kompjuterave: “Në Gjeneve është bërë një seminar, ku është përmendur edhe emri i Skënderbeut, që është dhënë si shembull për masat që janë marrë ndaj një klubi futbolli në çështjen e trukimeve. Ky është informacioni që kam unë për këtë çështje. Por, buja dhe zhurma shuë e madhe në media, normalisht flitet për ekipin kampion dhe ndjeshmëria është shumë e madhe, por është edhe pak e qëllimshme. Nuk duhet të gëzojmë që dënohet një ekip shqiptar, sepse ne jemi promovuesit e sistemit BFDS. Është rasti i parë në të gjithë botën që një klub dënohet nëpërmjet kompjuterave. Skënderbeu dhe në këto seminare merret si shembull, si masë edhe për dënimet e klubeve të tjera europiane”.
Ndërkohë presidenti Takaj nuk beson se do të marrin tjetër dënim, pasi ai i pari ishte i formës sa prerë: “Unë e di që institucioni i UEFA-s funskionon normalisht dhe jo sipas vullneti të personave. Di që është marrë një masë ndaj Skënderbeut, të cilën e dërguam edhe në CAS. Gjykata e Arbitrazhit Sportiv e mori vendimin, i cili është i formës së prerë dhe nuk e di që të ketë praktika të cilat i rikthehen një çështje për herë të dytë”.
Presidenti i Skëndërbeut gjithashtu pohon se ekipi i tij nuk ka asnjë informacion për kërë çështje, dhe se çdo gjë është mbyllur: “Nuk kemi asnjë lloj informacioni për këtë çështje, të cilën e quajmë të mbyllur, prej muajit Korrik kur u dha edhe vendimi nga CAS. Kjo është një çështje e mbyllur, dënimin e kemi përfunduar. Pastaj është problem i UEFA-s, sepse nuk e di në çfarë forme e kanë thënë apo si është prekur çështja e Skënderbeut në atë seminar. Sepse UEFA nuk u mblodh për Skënderbeun dhe është një vendim i saj për këtë çështje. Aty është dhënë një rast, Skënderbeu, siç janë dhënë edhe të tjerë. Por, me sa duket përbën lajm kjo pjesa e Skënderbeut. Disa gëzojnë që Skënderbeu të dënohet, por besoj që kjo çështje është e mbyllur përfundimisht”.
Ndërkohë në fund, Ardjan Takaj shprehet se ai dhe klubi që drejton janë në pritje të informacioneve në lidhje me këtë çështje: “A do të kontaktohet me UEFA-n për ta sqaruar pozicionin e klubit? Do ti dërgojmë një shkresë UEFA-s, që ti marrim një përgjigje zyrtare sesi është e vërteta e situatës tonë. Ne e dimë çështje të mbyllur dhe për këtë duam edhe zyrtarisht të marrim një përgjigje nga UEFA sesi qëndron çështja në të vërtetë”.
Redaksia Online
l.q/Shqiptarja.com