POP 5

Lajmet më të lexuara të 5 minutave të fundit

Media

Skandali me reklamat, PS:
Min. e Mbrojtjes dha 2.5 mln $

Në vazhdën e denoncimit të skandaleve të qeverisë për reklamat shtetërore, ku të favorizuara janë mediat pranë qeverisë, Partia Socialiste denoncoi sot abuzimet e Ministrisë së Mbrojtjes me fondet publike për këto reklama.
Skandali me reklamat, PS:<br />Min. e Mbrojtjes dha 2.5 mln $
TIRANE - Në vazhdën e denoncimit të skandaleve të qeverisë për reklamat shtetërore, ku të favorizuara janë mediat pranë qeverisë, Partia Socialiste denoncoi sot abuzimet e Ministrisë së Mbrojtjes me fondet publike për këto reklama.

Sot deputeti i Partisë Socialiste Eduard Shalsi u ndal sot në të dhënat për shpenzimet e kryera nga Ministria e Mbrojtjes që arrijnë vlerën e rreth 2.5 milion dollarë.

"Arben Imami që dikur nga Jugu i Shqipërisë kapardisej majë tankut me kallshnikov në dorë se do të përmbyste Sali Berishën, sot krekoset maje tribunave dhe shpenzon miliona dollarë për të promovuar Sali Berishën. Të gatshëm për të vrarë njëri tjetrin dikur sot janë të gatshëm për të vrarë dhe për të mbrojtur njeri tjetrin".

Sipas të dhënave të opozitës vetëm pak muaj më parë reparti Nr.6660 ka shpenzuar 300 mijë dollarë. Në vitin 2012 rezulton të jenë shpenzuar 700 mijë dollarë dhe po kaq edhe në vitin 2011 po për propagandë qeveritare. Në vitet e mëparshme rezulton të jenë derdhur edhe afro 800 mijë dollarë të tjera po për këtë qëllim.

"Ushtria që nuk kishte mjetet minimale për të ndihmuar dhe kontribuar për fikjen e zjarreve na paska mijëra e miliona dollarë para për të shpenzuar për reklama"- tha Shalsi.
Dje opozita denoncoi shpenzimet e kryera për reklama propagandistike nga ana e Ministrisë së Brendshme që arrinin në shifrën mbi 4 milionë dollarë. Në vitin 2006 kjo ministri kishte shpenzuar 7500 dollarë e një vit më pas 100 mijë. Në vitin 2008 shpenzimet për reklama qeveritare rezultojnë të kenë qenë 219 mijë dollarë ndërsa në vitin 2009 shkojnë 765 mijë. Në 2010 kur ky dikaster drejtohej nga Lulzim Basha u shpenzuan 1 930 000 dollarë dhe një vit më pas 1 milion të tjera. Në vetëm pesë muajt e parë të vitit 2012 janë harxhuar 714 mijë dollarë.

"Pritëm të japë një shpjegim Sali Berisha, në mos ai, Ministri i Rendit, ose të paktën dikush nga Ministria e Brendshme, por u përgjigj kompania Promo shpk, me televizionin dhe gazeten e saj, pra media e pushtetit përfituese e këtyre parave. I gjithë ky grup mediatik vrapoi të justifikonte se milionat e shpenzuara na qenkan shpenzuar për të informuar shqiptarët dhe si zakonisht vijoi me gjuhë balte për opoziten".- tha sot në mesditë Shalsi. Partia Socialiste insiston se përmes këtyre provave del në pah fytyra e vërtetë e qeverisë së Sali Berishës të cilën shqiptarët tanimë e njohin mirë.

(sg/dm/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Nxirrnin gurë dekorativë nga mali i Tomorrit, 3 të arrestuar, 5 në kërkim

Nxirrnin gurë dekorativë nga mali i Tomorrit, 3 të arrestuar, 5 në kërkim

28 Nëntor, 11:42