POP 5

Lajmet më të lexuara të 5 minutave të fundit

Bota

Skandali me taksat në Britani/ Mes presionesh, Sunak shkarkon ministrin e Financave, të emëruar nga Johnson! Opozita: Ta kishe bërë më parë

Kryeministri i Britanisë së Madhe, Rishi Sunak është përkulur nga presionet e partisë së tij (Konservatore) por edhe nga ana e opozitës, duke shkarkuar ministrin e Financave, Nadhim Zahawi. Ky i fundit  është përballur me kritika për marrëveshjet e tij për taksat

Kryeministri i Britanisë së Madhe, Rishi Sunak është përkulur nga presionet e partisë së tij (Konservatore) por edhe nga ana e opozitës, duke shkarkuar ministrin e Financave, Nadhim Zahawi. Ky i fundit  është përballur me kritika për marrëveshjet e tij për taksat.

Javën e kaluar Sunak urdhëroi këshilltarin e tij të etikës të hetonte Zahawin pas pretendimeve se ai kishte paguar një gjobë si pjesë e një marrëveshjeje të raportuar prej 4.8 milionë paund me zyrtarët taimorë dhe nuk e kishte deklaruar atë te autoritetet, raporton CNN.

Zahawi u emërua kancelar i thesarit nga ish kryeministri Johnson në korrik të vitit të kaluar. Ai qëndroi në kabinet edhe nën drejtimin e Liz Truss dhe kryeministrit aktual Rishi Sunak.

Në një letër drejtuar Zahawi, Sunak tha se, pasi hetimi përfundoi punën e tij, se është mëse e qartë se ka pasur shkelje të rëndë të Kodit të Ministrave.

“Si rezultat, ju kam njoftuar për vendimin tim për t’ju larguar nga posti juaj në qeveri”, ka shkruar Sunak.

Partia Laburiste e opozitës tha se Sunak, i cili erdhi në detyrë duke u zotuar për "integritet, profesionalizëm dhe llogaridhënie në çdo nivel", duhet ta kishte shkarkuar Zahawi kur pretendimet u raportuan për herë të parë këtë muaj, në vend që të përpiqej të blinte kohë duke nisur një hetim.

Zahawi lindi në Irak nga prindër kurdë dhe erdhi në Mbretërinë e Bashkuar që fëmijë, kur familja e tij u largua nga regjimi i Sadam Huseinit. Ai besohet të jetë një nga politikanët më të pasur në Dhomën e Komunave dhe ka ndihmuar në themelimin e kompanisë së sondazheve YouGov.

G.MO/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51